बेनीघाट रोराङका बाल विकास शिक्षकहरुका लागि आवासीय मन्टेश्वरी तालिम

बेनीघाट रोराङ गाउँपालिकाका प्रारम्भिक बाल विकास (इसिडि) शिक्षकहरुका लागि संचालित आवासीय मन्टेश्वरी तालिम सम्पन्न भएको छ । गाउँपालिककाको आयोजनामा चैत्र १३ गतदेखि त्रिशुली रिभर बिच क्याम्प खटौतीमा संचालन भएको ५ दिने तालिम आज सम्म्पन्न भएको हो ।

तालिममा प्रारम्भिक बालविकास सम्बन्धी अवधारणा, महत्व, पाठ्यक्रम, कक्षा कोठा व्यवस्थापन, सामाग्री निमार्ण, शैक्षिक सामग्रीहरुको व्यवस्थापन, कार्यतालिका लगायतका विषयमा तालिम प्रदान गरिएको गाउँपालिकाका शिक्षा युवा तथा खोलकुद शाखाका श्रोत व्यक्ति रामेश्वर पोखरेलले जानकारी दिनुभयो ।

तालिममा गाउँपालिका भित्रका ७३ वटा विद्यालय मध्ये ३० वटा विद्यालयका बाल विकास शिक्षकहरुको सहभागिता रहेको थियो । तालिमको बाल विकास प्रशिक्षक मनिसा थापा, रुविना पुन, दामोदर अर्यालयले सहजिकरण गर्नुभएको थियो ।

कार्यक्रममा गाउँपालिकाका उपाध्यक्ष टाप बहादुर श्रेष्ठ, प्रमुख प्रशासकिय अधिकृत नर्बदा घिमिरे, शिक्षा युवा तथा खोलकुद शाखाका श्रोत व्यक्ति रामेश्वर पोखरेल लगायत बाल विकास शिक्षकहरुको उपस्थिति रहेको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।