पोखराका १८ वर्षीय युवा क्रिएटर आशिक, डिजिटल र खेलकुदमा उदाउँदो प्रतिभा

पोखरा । डिजिटल जगतमा नयाँ पुस्ताका प्रतिभाहरू क्रमशः उदाउँदै छन्। तीमध्ये एक हुन् पोखराका १८ वर्षीय युवा क्रिएटर आशिक तिमिल्सिना । जसको युट्युब च्यानल (MR AASHIK YT) ले हालै ३ लाख सब्सक्राइबर पार गर्दै उल्लेखनीय सफलता हासिल गरेको छ। Minecraft, Free Fire र कमेडी भिडियोहरू मार्फत उनले छोटो समयमै दर्शकको मन जितेका छन्।

उनी निरन्तर सिर्जनशील सामग्री प्रस्तुत गर्दै आएका छन् र हालसम्म ५९ वटा भिडियो अपलोड गरिसकेका छन्। उनको भिडियोहरूमा मनोरञ्जन, हास्य र गेमिङको सन्तुलित संयोजन पाइन्छ, जसले विशेषगरी युवा दर्शकहरूलाई आकर्षित गरेको छ।

अमरसिंह स्कूल/कलेजका विद्यार्थी आशिक १२ कक्षा पास गरिसकेका छन्। उनी केवल डिजिटल क्रिएटर मात्र होइनन्, Under-16 र Under-17 कास्की फुटबल खेलाडी समेत हुन्। विद्यालयको फुटबल टोलीमा उत्कृष्ट प्रदर्शन गर्दै उनले प्रशिक्षकको प्रशंसा पाएका छन्। उनका कोचका अनुसार, “आशिक भविष्यका आशावादी फुटबलर हुन्।”

MR AASHIK YT जस्ता युवा क्रिएटरहरूले नेपालमा डिजिटल सामग्री निर्माणको स्तर उकास्न सहयोग गरिरहेका बताईएकाे छ । आशिकले युवाहरूमाझ सिर्जनशीलता, आत्मविश्वास र परिश्रमको सन्देश फैलाइरहेका छन्।

आगामी दिनमा उनको च्यानलबाट अझै रोचक, रमाइला र मनोरञ्जनमूलक भिडियोहरू आउने अपेक्षा गरिएको छ। पोखरा र कास्कीका युवाहरूका लागि MR AASHIK YT अब केवल युट्युबर होइन, डिजिटल सिर्जनशीलता र खेलकुदको प्रतीक बनेका छन्।

पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=19867, citypokhara.com