‘गल्छी कृषि, साँस्कृतिक तथा व्यापार महोत्सव सुरु’

धादिङ, पुस २ गते ।

धादिङमा ‘गल्छी कृषि साँस्कृतिक तथा व्यापार महोत्सव २०८२’ सुरु भएको छ। गल्छी गाउँपालिका–८ स्थित छागेश्वर मन्दिर खेलमैदानमा आज देखि महोत्सव सुरु भएको हो ।

महोत्सव उद्धघाटन कार्यक्रमलाई सम्बोधन गर्नुहुँदै प्रमुख अतिथि बागमति प्रदेशका आन्तरिक मामिला तथा कानुन मन्त्री शिवराज अधिकारीले महोत्सवले सामूहिक रूपमा कृषि उपज र स्थानीय उत्पादनको प्रवद्र्धन गर्ने बताउनुभयो । उहाँले स्थानीय विकास र क्षेत्रको संरक्षणमा आफ्नो पूर्ण साथ रहने प्रतिबद्धता व्यक्त गर्नुभएको छ ।

छाँगेश्वर महादेव मन्दिर र स्थानीय खेल मैदानको संरक्षणका लागि आफूले प्राप्त गरेका कागजपत्र र मागहरूलाई अध्ययन गरी आवश्यक सहयोग गर्ने आश्वासन समेत दिनुभएको छ । उहाँले प्रक्रिया पु¥याएर आएका योजनाहरूमा काँधमा काँध मिलाएर अघि बढ्ने विश्वास व्यक्त गर्नुभयो।

महोत्सव उद्घघाटन पूर्व गल्छी गाउँपालिकाका विभिन्न वडाहरूबाट स्थानीय भेषभूषा, झाँकी र बाजागाजासहितको ¥याली निकालिएको थियो।

महोत्सवले स्थानीय कृषि, संस्कृति र व्यापारलाई एउटै मञ्चमा जोड्ने उद्देश्य लिएको आयोजकले जनाएको छ। गाउँपालिका भित्रका उत्पादनलाई प्रवद्र्धन गर्नको लागि महोत्सव महत्वपुर्ण हुने र गल्छीको उत्पादनलाई प्रवद्र्धन गर्ने विश्वास गरिएको गाउँपालिका अध्यक्ष केदारनाथ खतिवाडले बताउनुभयो ।

‘नेपाली मौलिक लोक संस्कृतिको छुट्टै पहिचान, संस्कृति संरक्षण र प्रवद्र्धन गर्ने हाम्रो अभियान’ भन्ने मूल नाराका साथ आयोजना गरिने महोत्सवमा कृषि, व्यापार, मनोरञ्जन तथा सांस्कृतिक गतिविधिलाई प्राथमिकतामा राखिएको छ।

मनोरञ्जनतर्फ राष्ट्रिय कलाकार ईन्द्रेणी टिम, लोकदोहोरी कार्यक्रम, विद्यालयस्तरीय नृत्य प्रतियोगिता तथा विभिन्न सांस्कृतिक झाँकीले महोत्सवलाई थप आकर्षक बनाउने अपेक्षा गरिएको छ। स्थानीय उत्पादनको बजारीकरण, रोजगारी सिर्जना, पर्यटन प्रवद्र्धन तथा स्थानीय आर्थिक गतिविधि चलायमान बनाउन महत्वपूर्ण योगदान पुग्ने विश्वास गरिएको छ ।

राष्ट्रिय लोक सांस्कृतिक प्रतिष्ठान नेपालको मुख्य आयोजनामा तथा गल्छी गाउँपालिकाको संरक्षकमा सञ्चालन भएको महोत्सव पुस १५ गतेसम्म चल्नेछ।

तस्विर : रेडियो राजमार्ग

यो पनि पढ्नुहोस् : सुनगाभा एकेडेमीमा अभिभावक उत्प्रेरणा तथा मनोसामाजिक परामर्श कार्यक्रम

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।