नेत्रावती डबजोङमा प्रथम उपाध्यक्ष कप महिला भलिबल प्रतियोगिता सुरु
धादिङ,२५ पुस ।
धादिङको नेत्रावती डबजोङ गाउँपालिकामा प्रथम उपाध्यक्ष कप महिला भलिबल प्रतियोगिता आजदेखि सुरु भएको छ। “स्वास्थ्यका लागि खेलकुद, राष्ट्रका लागि खेलकुद” भन्ने नारासहित गाउँपालिका परिसरस्थित खेल मैदानमा प्रतियोगिताको उद्घाटन गरिएको हो ।
प्रतियोगितामा १० वटा महिला टोलीको सहभागिता रहेको छ। आयोजकका अनुसार प्रतियोगितामा प्रथम हुने टोलीलाई नगद ३० हजार रुपैयाँसहित शिल्ड, मेडल र प्रमाणपत्र, दोस्रो हुने टोलीलाई नगद २० हजार रुपैयाँसहित शिल्ड, मेडल र प्रमाणपत्र तथा तेस्रो हुने टोलीलाई नगद १५ हजार रुपैयाँसहित शिल्ड, मेडल र प्रमाणपत्र प्रदान गरिनेछ।
गाउँपालिकाकी उपाध्यक्ष सिता माया गुरुङको अध्यक्षतामा सम्पन्न उद्घाटन समारोहमा गाउँपालिका अध्यक्ष मेघनाथ रिजालको प्रमुख आतिथ्यता रहेको थियो ।
कार्यक्रममा बोल्नुहुँदै गाउँपालिका अध्यक्ष रिजालले गाउँपालिकाले खेलकुद क्षेत्रलाई प्राथमिकतामा राखेर अघि बढिरहेको बताउनुभयो। उहाँले वाका क्षेत्रमा प्रत्येक नयाँ वर्षमा आयोजना हुँदै आएको फुटबल प्रतियोगितालाई गाउँपालिकाले अपनत्व ग्रहण गर्दै खेलाडी उत्पादनमा केन्द्रित रहेको जानकारी दिनुभयो ।
महिला खेलाडीलाई जिल्ला, प्रदेश हुँदै राष्ट्रिय तथा अन्तर्राष्ट्रिय स्तरसम्म पु¥याउने उद्देश्यसहित उपाध्यक्ष कप महिला भलिबल प्रतियोगिता सुरु गरिएको उहाँको भनाइ थियो। साथै, आगामी दिनमा अन्य खेलकुद प्रतियोगितासमेत समेट्दै सम्भाव्य खेलाडी उत्पादन गर्ने योजना रहेको पनि उहाँले उल्लेख गर्नुभयो।
कार्यक्रममा उपाध्यक्ष गुरुङले महिलाको सशक्तीकरण र क्षमता अभिवृद्धिका लागि हरेक क्षेत्रमा महिलाको सक्रिय सहभागिता सुनिश्चित गर्न आवश्यक रहेको बताउनुभयो। महिलाहरू पनि पुरुषसरह सक्षम र सफल हुन सक्छन् भन्ने सन्देश प्रवाह गर्ने उद्देश्यले प्रतियोगिता आयोजना गरिएको उहाँले बताउनुभयो ।
उपाध्यक्ष गुरुङले खेलकुदले समाजमा एकता कायम गर्न, समृद्धिको आधार तयार गर्न तथा शारीरिक र मानसिक स्वास्थ्य मजबुत बनाउन महत्वपूर्ण भूमिका खेल्ने उल्लेख गर्नुभयो।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ जेष्ठ १२, मंगलवार १३:३८प्रधान सेनापति राष्ट्रिय खुला टेनिस प्रतियोगिता सम्पन्न- कला, विचार/मनोरञ्जन२०८३ जेष्ठ १२, मंगलवार १०:४१चलचित्र ‘कुम्भ’ को एक्सन प्याक ट्रेलर सार्वजनिक
- खेलकुद२०८३ जेष्ठ ११, सोमबार २३:१०पलेशाले दिलाइन् नेपाललाई कास्य
- कला, विचार/मनोरञ्जन२०८३ जेष्ठ ११, सोमबार २०:४९‘काजी’को असारे गीत ‘ज्यानको तिर्खा’ मा गरिमा र संदीप
