नेपाल पुस्तक तथा स्टेशनरी व्यवसायी महासङ्घको अध्यक्षमा नारायण कुमार श्रेष्ठ निर्वाचित

धादिङबेशी । नेपाल पुस्तक तथा स्टेशनरी व्यवसायी महासङ्घको आठौँ राष्ट्रिय महाधिवेशनबाट केन्द्रीय अध्यक्षमा नारायण कुमार श्रेष्ठ निर्वाचित भएका छन् । राजधानीमा सम्पन्न महाधिवेशनले श्रेष्ठको नेतृत्वमा आगामी कार्यकालका लागि नयाँ केन्द्रीय कार्यसमिति सर्वसम्मत चयन गरेको हो ।

धादिङ स्थायी ठेगाना भएका श्रेष्ठ यसअघि महासङ्घको विभिन्न जिम्मेवारीमा रहेर सक्रिय भूमिका निर्वाह गरिसकेका अनुभवी व्यवसायी हुन् । उनी यसअघि महासङ्घको उपाध्यक्ष र बागमती प्रदेश समितिको नेतृत्वदायी भूमिकामा समेत रहेका थिए ।

महाधिवेशनले श्रेष्ठको नेतृत्वमा नयाँ कार्यसमिति चयन गरेसँगै देशभरका पुस्तक तथा स्टेशनरी व्यवसायीहरूमा नयाँ उत्साह देखिएको छ । निर्वाचन समितिले दिएको जानकारी अनुसार, अधिकांश पदहरूमा सहमति जुटाउने प्रयास सफल भएको थियो । अध्यक्षमा निर्वाचित भएपछि श्रेष्ठले व्यवसायीहरूको हकहित र पेशागत सुरक्षाका लागि आफ्नो कार्यकाल समर्पित गर्ने प्रतिबद्धता जनाएका छन् ।

महासङ्घको यस महाधिवेशनमा सातै प्रदेशका प्रतिनिधि र देशभरका जिल्ला शाखाहरूबाट ठुलो सङ्ख्यामा व्यवसायीहरूको उपस्थिति रहेको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।