दोस्रो मेयर कप फुटसल प्रतियोगिताको उपाधि एक्सन नेपाललाई
धादिङ, १० फागुन
धादिङको नीलकण्ठ नगरपालिका मा सम्पन्न दोस्रो मेयर कप फुटसल प्रतियोगिताको उपाधि एक्सन नेपालले जितेको छ। शनिबार साँझ भएको रोमाञ्चक फाइनल खेलमा एक्सन नेपालले आयोजक टोली नीलकण्ठ नगरपालिकालाई ६–४ गोल अन्तरले पराजित गर्दै ट्रफी आफ्नो नाममा दर्ज गराएको हो।खेल सुरुदेखि नै प्रतिस्पर्धात्मक बनेको थियो। दुवै टोलीले आक्रामक खेल प्रदर्शन गरे पनि निर्णायक क्षणमा एक्सन नेपालले अवसर सदुपयोग गर्दै जित सुरक्षित गर्न सफल भयो। गत बर्षको च्याम्पिएन बनेको टोली नीलकण्ठ नगरपालिका यसपटक भने उपाधि जोगाउन असफल रहँदै दोस्रो स्थानमा सीमित भयो।
तेस्रो स्थान नेपाल पत्रकार महासंघ ले हात पार्यो। गंगाजमुना गाउँपालिकालाई पराजित गर्दै महासंघले तेस्रो स्थान सुरक्षित गरेको हो। गंगाजमुना गाउँपालिका सान्त्वना स्थानमा रह्यो।फागुन ६ गतेदेखि सुरु भएको प्रतियोगिता ९ गतेसम्म सञ्चालन भएको थियो। प्रतियोगितामा धादिङका २० टोली र अन्य जिल्लाका ६ टोली गरी कुल २६ टोलीको सहभागिता रहेको आयोजकले जनाएको छ।
विजेता तथा उपविजेता टोलीलाई नीलकण्ठ नगरपालिकाका नगर प्रमुख तथा नेपाल नगरपालिका संघ का अध्यक्ष भीम प्रसाद ढुंगानाले पुरस्कार वितरण गर्नुभयो। प्रथम हुने टोलीले १ लाख ११ हजार १ सय ११ रुपैयाँ, द्वितीयले ५५ हजार ५ सय ५५ रुपैयाँ, तृतीयले २२ हजार २ सय २२ रुपैयाँ र सान्त्वना हुने टोलीले ११ हजार १ सय ११ रुपैयाँ पुरस्कार प्राप्त गरेका छन्।यसैगरी उत्कृष्ट गोलकर्ता, उत्कृष्ट खेलाडी, उत्कृष्ट गोलरक्षक र उत्कृष्ट डिफेन्डरलाई जनही ६ हजार ६ सय ६६ रुपैयाँका दरले नगद पुरस्कार प्रदान गरिएको आयोजकले जनाएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार ३२, बिहीबार ०९:१०सुरु भयो ‘रातो घेरा’ को छायांकन- खेलकुद२०८३ असार ३२, बिहीबार ०७:४१दुई दशकअघि काखमा बोकेका बालकसँग विश्वकप फाइनलमा भिड्दै मेस्सी
- सूचना-प्रविधि२०८३ असार ३१, बुधबार २०:४८अब यी चलचित्रले प्रदर्शन अनुमति नपाउने
- समाचार२०८३ असार ३१, बुधबार १८:३०नीलकण्ठमा शिक्षाको प्रकाश छरेर विदाई भए बरिष्ठ शिक्षा अधिकृत प्रकाशदत्त भट्ट
