दामन पाख्रीन मार्ग अन्तरगत पुछार बजारमा पक्की पुल निर्माण प्रक्रिया सुरु

धादिङ,३ चैत ।
धादिङको नीलकण्ठ नगरपालिका वडा नम्बर ३ र १२ लाई जोड्ने साँकोष–तिप्लिङ सडक (दामन पाख्रिन मार्ग) अन्तर्गत पुछार बजारमा पक्की पुल निर्माणको प्रक्रिया सुरु भएको छ। करिब साढे चार करोड रुपैयाँ लागतमा निर्माण हुने उक्त पुलका लागि बहुवर्षीय टेण्डर आह्वान गरिएको छ।

नीलकण्ठ नगरपालिकाका नगरप्रमुख तथा नेपाल नगरपालिका संघका अध्यक्ष भीम प्रसाद ढुंगानाको पटक–पटकको पहल, समन्वय र खबरदारीपछि पुल निर्माणको प्रक्रिया अघि बढेको हो ।

नगरप्रमुख ढुंगानाले तत्कालीन बागमती प्रदेशका अर्थमन्त्री कुन्दन काफ्लेलाई स्थलमै अनुगमन गराउँदै पुल निर्माण सुरु गर्न दबाब दिनुभएको थियो।मुख्यमन्त्री इन्द्रबहादुर बानियाँसँग पनि पुल निर्माणका लागि पहल र समन्वय गरिएको थियो।

केही महिनाअघि मात्र बागमती प्रदेशका भौतिक पूर्वाधार विकास मन्त्री डा। दिनेशचन्द्र देवकोटालाई भेटेर यही आर्थिक वर्षबाट पुल निर्माण कार्य सुरु गराउन ध्यानाकर्षण गराइएको थियो। उक्त भेटमा मन्त्री देवकोटाले करिब चार करोड लागतमा निर्माण हुने पुलको काम बहुवर्षीय टेण्डरमार्फत यसै वर्षबाट सुरु गर्ने प्रतिबद्धता व्यक्त गर्नुभएको थियो। अर्थ मन्त्री प्रभात तामाङले बहुबर्षिय योजनामा समाबेश गर्नुभएको हो।

सोही प्रतिबद्धताअनुसार अहिले बहुवर्षीय टेण्डर आह्वान भएको हो। ३ करोड ७८ लाखमा निर्माण सम्पन्न हुने उक्त पुलको लागि चालु आर्थिक बर्षमा ३५ लाख रुपैँया छुट्याईएको छ । लामो समयदेखी पुल नहुँदा नागरिकहरुले सास्ती खेप्नु परेको थियो ।

उक्त स्थानमा पुल पुल निर्माण भएपछि नीलकण्ठ नगरपालिका सहित उत्तरी धादिङका ५ वटा पालिकाका नागरिकहरु लाभान्वित हुनेछन् ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

यो पनि पढ्नुहोस् : फोहोर उठाउँदै भविष्य जोडेका महिलाहरु