यस्ता छन्,बालेन सरकारका शासकीय सुधारसम्बन्धी एक सय कार्यसुचीहरु
धादिङबेशी १४ चैत्र । नेपाल सरकार (बालेन नेतृत्व) ले शासकीय सुधारका लागि १०० बुँदे कार्यसूची सार्वजनिक गरेको छ। मन्त्रिपरिषद्को बैठकबाट स्वीकृत उक्त कार्यसूचीले प्रशासनिक सुधार, सेवा प्रवाह, डिजिटल शासन, सुशासन तथा भ्रष्टाचार नियन्त्रणलाई केन्द्रमा राख्दै राज्य सञ्चालनलाई परिणाममुखी, पारदर्शी र नागरिकमैत्री बनाउने लक्ष्य लिएको छ।
सरकारले ‘डेलिभरी–आधारित गभर्नेन्स’ लागू गर्दै प्रत्येक मन्त्रालयलाई स्पष्ट कार्ययोजना, समयसीमा र जिम्मेवारीसहित काम गर्न निर्देशन दिएको छ। कार्यसम्पादनको नियमित अनुगमन तथा सार्वजनिक प्रतिवेदन प्रणालीमार्फत नागरिकमा विश्वास बढाउने प्रयास गरिएको छ।
कार्यसूचीमा प्रशासनिक संरचना सानो र प्रभावकारी बनाउने उद्देश्यसहित मन्त्रालयको संख्या घटाई १७ मा सीमित गर्ने, अनावश्यक बोर्ड तथा समितिहरू खारेज वा एकीकरण गर्ने, तथा सार्वजनिक सेवामा राजनीतिक हस्तक्षेप अन्त्य गर्ने उल्लेख छ। साथै, कर्मचारीतन्त्रलाई उत्तरदायी, निष्पक्ष र सेवामुखी बनाउन कडाइका साथ आचारसंहिता लागू गरिने जनाइएको छ।
सार्वजनिक सेवा प्रवाह सुधारका लागि प्रमुख शहरहरूमा ‘नागरिक सेवा केन्द्र’ स्थापना, सेवा प्रक्रियालाई डिजिटल र एकीकृत बनाउने, तथा राहदानी, नागरिकता, सवारी लाइसेन्स लगायतका सेवा छिटो र झन्झटरहित बनाउने योजना अघि सारिएको छ। नागरिक गुनासो व्यवस्थापनका लागि २४ घण्टे हेल्पलाइन तथा बहु–च्यानल प्रणाली सञ्चालन गरिने पनि उल्लेख छ।
डिजिटल शासनतर्फ सरकारले ‘राष्ट्रिय एकीकृत डिजिटल गभर्नेन्स प्लेटफर्म’ स्थापना गर्ने, नागरिकका विवरण एकपटक मात्र संकलन गरी सबै सरकारी निकायमा प्रयोग गर्ने व्यवस्था मिलाउने, तथा ई–सिग्नेचर र अनलाइन सेवाको विस्तार गर्ने लक्ष्य लिएको छ।
भ्रष्टाचार नियन्त्रणका लागि उच्चस्तरीय सम्पत्ति छानबिन समिति गठन, डिजिटल सम्पत्ति अभिलेख प्रणाली स्थापना, तथा सूचनादाताको संरक्षण जस्ता कदमहरू समावेश गरिएका छन्। सार्वजनिक खरिद प्रक्रियालाई पूर्ण डिजिटल, पारदर्शी र प्रतिस्पर्धात्मक बनाउने योजना पनि कार्यसूचीमा समेटिएको छ।
सरकारले यी सुधार कार्यक्रमहरूलाई निश्चित समयसीमाभित्र कार्यान्वयन गर्दै नागरिकलाई छिटो, सहज र प्रभावकारी सेवा उपलब्ध गराउने प्रतिबद्धता जनाएको छ।
पुर्ण कार्यसुचीहरु हेर्न यहाँ क्लिक गर्नुहोस
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार ५, शुक्रबार २१:४६चलचित्र ‘सिन्दुरे जात्रा’ मंसिर ४ गते रिलिज हुने- कला, विचार/मनोरञ्जन२०८३ असार ५, शुक्रबार ०८:३२हिमाल घर्ती मगरको ‘ए साइली’ सार्वजनिक
- खेलकुद२०८३ असार ५, शुक्रबार ०७:५८कतारको पोष्टमा क्यानडाको ६ गोल « रिपोर्टर्स नेपाल
- समाचार२०८३ असार ४, बिहीबार १९:५०नेत्रावती डबजोङको आ.व. २०८३।०८४ को नीति तथा कार्यक्रम : सडक, शिक्षा, स्वास्थ्य र कृषिलाई प्राथमिकता
