विश्वकपको परीक्षामा नेपाल, आज विश्व विजेता इंग्ल्यान्डसँग प्रतिस्पर्धा गर्दै
काठमाडौं, माघ २५ । आईसीसी टी–२० पुरुष विश्वकप क्रिकेट २०२६ को पहिलो खेलमा आज नेपालले विश्व विजेता इंग्ल्यान्डसँग प्रतिस्पर्धा गर्दैछ। भारत र श्रीलंकाले संयुक्त रूपमा आयोजना गरेको विश्वकपअन्तर्गत यो बहुप्रतीक्षित खेल आज दिउँसो ३:१५ बजे मुम्बईस्थित वानखेडे स्टेडियममा सुरु हुनेछ।
नेपालले सन् २०१४ मा पहिलोपटक टी–२० विश्वकप खेलेको थियो भने दोस्रो सहभागिताका लागि १० वर्ष कुर्नुपर्यो। सन् २०२४ को विश्वकपमा दक्षिण अफ्रिका र बंगलादेशविरुद्ध देखाएको प्रतिस्पर्धात्मक प्रदर्शनले नेपाली टोलीले अन्तर्राष्ट्रिय क्रिकेटमा आफ्नो पहिचान अझ बलियो बनाएको थियो। दक्षिण अफ्रिकासँग नेपाल एक रनले पराजित भएको खेल अझै स्मरणीय छ।
रोहितकुमार पौडेलको कप्तानीमा नेपाल लगातार विश्वकप खेल्दै आएको छ। सोमपाल कामी तीन पटक विश्वकप खेल्ने पहिलो नेपाली खेलाडी बनेका छन्। समूह ‘सी’ मा रहेको नेपालसँगै वेस्ट इन्डिज, इंग्ल्यान्ड, स्कटल्यान्ड र इटाली छन्।
वाम–अप खेलहरूमा यूएई र क्यानडाविरुद्धको प्रभावशाली ब्याटिङले नेपाली टोली आत्मविश्वासका साथ मैदानमा उत्रिने संकेत दिएको छ। इंग्ल्यान्डविरुद्ध नेपालले कस्तो इतिहास रच्ला, सबैको ध्यान आज वानखेडेतर्फ छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ बैशाख ७, सोमबार १९:००केकी अधिकारीको नयाँ फिल्म ‘स्टेशन’को शुभमुहूर्त, भदौ १९ मा रिलिज हुने- सूचना-प्रविधि२०८३ बैशाख ७, सोमबार १२:०१अब अपाङ्ग पहुँचमैत्री सुविधा सरकारी ‘वेबसाइट’मा
- कला, विचार/मनोरञ्जन२०८३ बैशाख ७, सोमबार ११:१५यथार्थको गहिराइ बोकेको ‘पारी बुटोल’को टिजर सार्वजनिक
- समाचार२०८३ बैशाख ७, सोमबार १०:१२अक्षय तृतीयाः डोलेश्वरमा दर्शनार्थीको घुइचो
