दुई दशकअघि काखमा बोकेका बालकसँग विश्वकप फाइनलमा भिड्दै मेस्सी

काठमाडौं, असार ३२ । विश्व फुटबलका महान् खेलाडी लियोनेल मेस्सी र नयाँ पुस्ताका सुपरस्टार लामिन यामालबीचको पहिलो भेट अहिले फेरि चर्चामा आएको छ। करिब दुई दशकअघि खिचिएको एउटा तस्बिरले आज फुटबलका दुई फरक पुस्तालाई एउटै फ्रेममा जोडेको छ।

सन् २००७ मा स्पेनिस क्लब बार्सिलोना र युनिसेफले आयोजना गरेको परोपकारी फोटोसुटका क्रममा तत्कालीन २० वर्षीय मेस्सीले केवल ६ महिनाका शिशु लामिन यामाललाई काखमा उठाएर नुहाइदिएका थिए। उक्त तस्बिर त्यतिबेला सामान्य परोपकारी अभियानको हिस्सा थियो।

समयसँगै त्यही शिशु यामाल अहिले विश्व फुटबलकै सबैभन्दा प्रतिभाशाली युवा खेलाडीका रूपमा स्थापित भएका छन्। स्पेन राष्ट्रिय टोली र बार्सिलोनाबाट उत्कृष्ट प्रदर्शन गरिरहेका यामाललाई धेरैले मेस्सीपछि फुटबलको नयाँ पुस्ताको प्रतिनिधि खेलाडीका रूपमा हेर्न थालेका छन्।

यामालका पिता मुनिर नस्राउईले सन् २०२४ मा उक्त तस्बिर सार्वजनिक गरेपछि यो विश्वभर भाइरल बनेको थियो। त्यसयता मेस्सी र यामालको एउटै फ्रेममा रहेको तस्वीर फुटबल इतिहासकै सबैभन्दा विशेष संयोगमध्ये एक मानिएको छ।

फुटबलका समर्थकहरूका अनुसार उक्त तस्बिरले एउटा युगका महानायक र अर्को युगका सम्भावित महान् खेलाडीबीचको अद्भुत सम्बन्धलाई झल्काएको छ। अहिले पनि मेस्सी आफ्नो करियरको अन्तिम चरणमा छन् भने यामाल विश्व फुटबलको भविष्यका रूपमा उदाइरहेका छन्।

मेस्सी र यामाल पहिलो पटक व्यावसायिक करिअरमा एकअर्काविरुद्ध मैदान उत्रिन लागेका छन्। एक समय काखमा खेलाइएको बालक अहिले विश्व फुटबलकै सबैभन्दा ठूलो मञ्च फिफा विश्वकप २०२६ को फाइनलमा मेस्सीको प्रतिद्वन्द्वी बनेका छन्।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

यो पनि पढ्नुहोस् : फ्रान्सलाई पराजित गर्दै स्पेन विश्वकपको फाइनलमा प्रवेश