धादिङका डा. राम थापा क्षेत्री नेपाल चिकित्सक संघको परिषद् सदस्यमा निर्वाचित
धादिङबेशी,२६ साउन । धादिङको नीलकण्ठ नगरपालिका–३ शान्तबजार निवासी डा. राम थापा क्षेत्री नेपाल चिकित्सक संघको परिषद् सदस्यमा निर्वाचित भएका छन्। परिषद् सदस्य निर्वाचन २०८३ मा उनले ३०१ मत प्राप्त गर्दै विजय हासिल गरेका हुन्।
बगाले थापा क्षेत्री राष्ट्रिय फाउन्डेसन नेपालका संस्थापक अध्यक्षसमेत रहेका डा. क्षेत्री हाल स्वास्थ्य बीमा बोर्ड, बबरमहलमा मेडिकल अफिसरका रूपमा कार्यरत छन्। उनले राजशाही विश्वविद्यालय, बंगलादेशबाट एमबीबीएस र पोखरा विश्वविद्यालयबाट हेल्थ केयर म्यानेजमेन्टमा स्नातकोत्तर (MHCM) गरेका छन्।
डा. क्षेत्री पोखरा विश्वविद्यालयको हेल्थ केयर म्यानेजमेन्ट विभाग र प्राविधिक शिक्षा तथा व्यावसायिक तालिम परिषद् (CTEVT) मा अध्यापनमा समेत संलग्न छन्। उनी युवा डक्टर्स एसोसिएसनका संस्थापक सह–समन्वयक, नेपाल मेडिकल एसोसिएसनका पूर्व परिषद् सदस्य, DSON का पूर्व कार्यसमिति सदस्य तथा धादिङ हेल्थ सोसाइटीका पूर्व महासचिवसमेत हुन्।
यसअघि उनले हेटौंडा अस्पतालमा अस्पताल प्रबन्धकको जिम्मेवारी सम्हाल्नुका साथै वीर अस्पताल, ट्रमा सेन्टर, श्री वीरेन्द्र अस्पताल छाउनी र इच्छाकामना आधारभूत अस्पताललगायतका स्वास्थ्य संस्थामा सेवा अनुभव हासिल गरेका छन्।
डा. क्षेत्रीले २०७२ सालको भूकम्प, जाजरकोट भूकम्प र कोभिड–१९ महामारीका समयमा स्वास्थ्य स्वयंसेवकका रूपमा समेत काम गरेका थिए।
स्वास्थ्य तथा सामाजिक क्षेत्रमा गरेको योगदानका लागि उनले प्रबल जनसेवा श्री चतुर्थ, राष्ट्रिय युवा प्रतिभा पुरस्कार २०८०, बेस्ट इमर्जिङ हेल्थ लिडर तथा बेस्ट ई–मिडिया इन्फ्लुएन्सर अवार्ड २०२४ लगायतका सम्मान प्राप्त गरेका छन्।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ आश्विन २२, बिहीबार २१:४०नेपालकी प्राची तोमर ‘मिसेस इन्टरनेशनल ग्लोबल २०२६’ मा चौथो रनरअप- कला, विचार/मनोरञ्जन२०८३ आश्विन २२, बिहीबार २१:१३पल मलिकासँगै रातो टीका लाउदा क्या दामी देखियो सामूहिक डान्स
- समाचार२०८३ आश्विन २२, बिहीबार २१:१०जग्गा हदबन्दीको समस्या समाधानका लागि पहल
- समाचार२०८३ आश्विन २२, बिहीबार १८:४८पाँचौँ वार्षिकोत्सवमा लाङ्घाली डेन्टलको उपचार सेवामा ५० प्रतिशत छुट
