चीन- चीनको औपचारिक भ्रमणमा रहनु भएका प्रधानमन्त्री पुष्पकमल दाहाल प्रचण्ड र चिनियाँ कम्युनिष्ट पार्टीको सिचुआन प्रान्तीय कमिटीका सचिव वाङ सियाओबीच दुई पक्षीय बैठक भएको छ ।
सिचुवान प्रान्तको छेन्दु शहरमा रहेको जिङ जियाङ होटलमा भएको बैठकमा प्रधानमन्त्री प्रचण्डले नेपाल र चीन सदिऔंदेखिका असल मित्र, निकट छिमेकी र विश्वासिलो सहकर्मीको रुपमा सहकार्य हुँदै आएको र आगामी दिनमा नेपाल चीन सम्बन्ध अझ उचाइमा पुग्ने विश्वास व्यक्त गर्नुभयो ।
उहाँले नेपालले आफ्नो भुमी चीन विरुद्दका कुनै पनि किसिमको गतिविधिमा प्रयोग हुन नदिने भन्दै नेपालको सार्वभौम सत्ता एवम स्वतन्त्रतामा चीनले पहिल्यैदेखि सम्मान गर्दै आएको र अब पनि सम्मान गर्ने विश्वास रहेको बताउनुभयो ।
चीनले विकास निर्माणको क्षेत्रमा गरेको प्रगतिको प्रशंसा गर्दै प्रधानमन्त्री प्रचण्डले नेपाल र चीनबीच आर्थिक लगाएतका क्षेत्रमा अझ गहिरो सहकार्य हुनुपर्ने बताउनुभयो ।
त्यस अवसरमा चिनियाँ कम्युनिष्ट पार्टीको सिचुआन प्रान्तीय कमिटीका सचिव वाङ सियाओले प्रधानमन्त्री प्रचण्डको चीन भ्रमणबाट आफू खुसी भएको बताउँदै नेपालसँग सहकार्य गर्न तत्पर रहेको बताउनुभयो । उहाँले प्रधानमन्त्री प्रचण्डको चीन भ्रमणका क्रममा भएका सहमतिहरु कार्यान्यवन तहमा लैजान आफू सकृय रहने बताउनुभयो ।
बैठकमा परराष्ट्र मन्त्री एनपी साउद, खानेपानी मन्त्री महिन्द्र राय यादव, भोतिक योजना तथा पुर्वाधार मन्त्री प्रकाश ज्वाला, मुख्य सचिव बैकुण्ठ अर्याल तथा परराष्ट्र सचिव भरतराज पौडेल लगाएत भ्रमण टोलीका सदस्यहरु रहेको प्रधानमन्त्रीका प्रेस सल्लाहाकार गोबिन्द आचार्यले जानकारी दिनुभयो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८१ श्रावण १२, शनिबारसरकारलाई असफल हुने छुट छैन : सञ्चारमन्त्री गुरुङ
स्वास्थ्य/जानकारी टिप्स२०८१ श्रावण १२, शनिबारशुक्लाफाँटाका दुई बालकमा दादुरा–रुबेला
कला, विचार/मनोरञ्जन२०८१ श्रावण १२, शनिबारनारायण थापाको स्वर र संगीतमा ‘तिमिलाई नै’ सार्वजनिक
समाचार२०८१ श्रावण १२, शनिबारमौद्रिक नीति: यस्ता नयाँ प्रावधान
