सर्वोच्च अदालतका प्रस्तावित न्यायाधीशविरुद्ध उजुरी आह्वान
काठमाडौं – संसदीय सुनुवाई समितिले सर्वोच्च अदालतका लागि प्रस्तावित ६ जना न्यायाधीशविरुद्ध उजुरी आह्वान गर्ने निर्णय गरेको छ । सिंहदरबारमा शुक्रबार बसेको समिति बैठकले सर्वोच्च अदालतका लागि प्रस्तावित न्यायाधीशविरुद्ध उजुरी आह्वान गर्ने निर्णय गरेको हो।
बैठकले आजैको मितिबाट लागू हुनेगरी १० दिनको समय दिएर सिफारिस भएका न्यायाधीशहरुमाथि उजुरी आह्वान गर्ने निर्णय गरेको समिति सदस्य एवम् एमाले सांसद इश्वरी घर्तीले नेपाल टिभी अनलाइनलाई जानकारी दिनुभयो ।
गत मंगलबार बसेको न्यायपरिषद् बैठकले शारङ्गा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुङ्गाना, सुनिल कुमार पोखरेल र बालकृष्ण ढकाललाई सर्वोच्चको न्यायाधिशमा सिफारिस गरेको थियो।
त्यसैगरी बैठकमा क्यानडाका लागि प्रस्तावित राजदूत भरतराज पौडेलमाथि परेका उजुरी सम्बन्धमा आउदो आइतबार सुनुवाई गर्ने र पोर्चुगलका लागि प्रस्तावित राजदूत सनिल नेपाल विरुद्ध उजुरी आह्वान गर्ने निर्णय भएको सांसद घर्तीले बताउनु भयो ।
सिफारिस भएका व्यक्तिलाई संसदीय सुनुवाइले अनुमोदन गरेपछि राष्ट्रपतिबाट नियुक्त हुने प्रावधान छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ असार ३०, सोमबार १६:२३स्वास्थ्य बीमा क्षेत्रमा पुनः विचार गरिनेछ: प्रधानमन्त्री- कला, विचार/मनोरञ्जन२०८२ असार ३०, सोमबार १२:०३शान्तिश्री परियार र रामजी खाँडको गीतविरुद्ध साइबर ब्युरोमा उजुरी
- कला, विचार/मनोरञ्जन२०८२ असार ३०, सोमबार ०९:२१चाम्सको चलचित्र ‘सुम्निमा’ मा अभिनेता कुन्साङ अनुबन्ध
- समाचार२०८२ असार २९, आईतवार १९:४०भोटेकोसी तथा त्रिशूली नदी छेउछाउका नागरिकलाई सावधानी अपनाउन अनुरोध
