विकास निर्माणको क्षेत्रमा बेथिति देखियो: सभापति खतिवडा
ओखलढुंगा – प्रतिनिधि सभाको राज्य व्यवस्था तथा सुशासन समितिका सभापति एवं ओखलढुंगाका सांसद रामहरि खतिवडाले ओखलढुंगामा विकास निर्माणको क्षेत्रमा बेथिति देखिएको बताउनुभएको छ ।
स्थानीय तहका जनप्रतिनिधिसहित जिल्लाका सरकारी कार्यालयसँगको बैठकमा उहाँले विकास निर्माणका काम सुरु हुने तर पूरा नहुने प्रवृत्ति देखिएको बताउनुभएको हो ।
सभापति खतिवडाले जिल्लामा विकास निर्माणका क्षेत्रमा बदमासी हुन नदिन र बदमासी भेटिए माफी दिन नसकिने बताउनुभयो । उहाँले विभिन्न वहाना बनाएर काम नगर्ने ठेकेदारलाई यो त्यो नभनी कान समाएर काममा लगाउन कार्यालय प्रमुखहरुलाई निर्देशन दिनुभयो । सोही क्रमममा उहाँले जिल्लाका सरकारी कार्यालयहरुलाई त्रैमासिक रुपमा स्थानीय, प्रदेश र संघ सरकारलाई प्रगति प्रतिवेदन बुझाउन समेत निर्देशन दिनुभएको थियो ।
उक्त बैठकमा जिल्ला सदरमुकाममा रहेका सरकारी कार्यालयहरुले प्रगति विवरण प्रस्तुत गरेका थिए । बजेट अभाव, दरबन्दी अनुसारका कर्मचारी नभएकोलगायतका समस्या कार्यालय प्रमुखहरुले सुनाएका थिए । बैठकमा स्थानीय सरकारका प्रमुखहरूले जिल्लाका विकास बजेट सञ्चालन गर्ने कार्यालयहरु योजना सञ्चालन गर्दा जानकारी नै नदिने र अपारदर्शी ढंगबाट काम गर्ने गरेको बताएका थिए ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८२ मंसिर ८, आईतवार ०९:५५सोमबार जनकपुरसँग विराटनगर र कर्णालीसँग सुदूरपश्चिम भिड्दै « रिपोर्टर्स नेपाल- समाचार२०८२ मंसिर ८, आईतवार ०८:२३आधुनिक हतियारसहित एक युवक पक्राउ
- कला, विचार/मनोरञ्जन२०८२ मंसिर ८, आईतवार ०७:४६चलचित्र ‘स्त्री’ फागुन २९ गतेदेखि देशभर प्रदर्शनमा आउने
- कला, विचार/मनोरञ्जन२०८२ मंसिर ७, शनिबार १९:३१चलचित्र ‘मन बिनको धन’ हेर्ने देशैभरिका विद्यालयलाई सहयोग र छुट दिने
