लुम्बिनीलाई १६ रनले हराउँदै प्रधानमन्त्री कपमा कोशीको सान्तवना जित

काठमाडौं,१६ माघ । प्रधानमन्त्री कप एकदिवसीय क्रिकेटमा कोशी प्रदेशले सान्तवना जित निकालेको छ ।
आज भएको खेलमा कोशीले लुम्बिनी प्रदेशलाई १६ रनले पाखा लगाउँदै लगातार ८ खेलको हारको श्रृंखला टुंग्याएको हो । कोशीले दिएको १७३ रनको मध्यम लक्ष्य पछ्याएको लुम्बिनी प्रदेश ४६ ओभरमा १५६ रनमा अलआउट भयो । उत्कृष्ट सुरुआत गरेपनि लुम्बिनीले अन्तिममा सम्हालिएको प्रदर्शन गर्न नसक्दा जित नजिकै पुगेर पनि २ अंक गुमाउन पुग्यो ।
लु्िम्बनीका लागि दिलसाद अलिले सर्वाधिक २८ रन जोड्दा विराट भण्डारीले २८, सम्राट भुसालले २६, समिर कार्कीले ११ रन थपे । मिर्नल गुरुङ ३ रनमा क्याच आउट हुँदा नर सार्की १ रनमा बोल्ड आउट भए । बलिङतर्फ कोशीका अभ्यास तिमिल्सिना, कमल खत्री र समिर कार्कीले समान २ तथा सौजन घिमिरेले तीन विकेट लिए ।
यसअघि कीर्तिपूर मैदानमा सुरुआतमा ब्याटिङ गरेको कोशी ४४ ओभरमा १७२ रनमा अलआउट भयो । कोशीका लागि कप्तान अंकित सुवेदीले सर्वाधिक ४९ रन जोडे ।६५ बलको सामना गरेका उनले ९ चौका हिर्काएका थिए । उनी अर्धशतक बनाउनबाट एक रनले चुकेका थिए । त्यस्तै सौजन घिमिरेले ४० रन थपेको खेलमा मिनाश थापाले २५ र सोनु अन्सारीले १७ रन थपे ।
समिर कार्की, सुजन थपलिया र कमल खत्री शून्य रनमै आउट हुँदा कोशीले १८ रन अतिरिक्तमा पाएको थियो । बलिङतर्फ लुम्बिनीका नर सार्कीले चार तथा वीर मगरले तीन र अभिषेक गौतमले २ विकेट लिए ।
८ खेल खेलिसकेको कोशी प्रदेश हालसम्म जितविहीन रहेको थियो भने लुम्बिनी ८ खेलमा एक खेल जित्दै अंक तालिकाको पुच्छरबाट दोस्रो स्थानमा रहेको छ । कोशीको यो अन्ति खेल हो । यस सिजनमा कुनैपनि राम्रो छाप छाड्न नसकेको कोशी आज लुम्बिनीलाई हराउँदै कम्तिमा सान्तवना जित निकाल्ने सोचमा रहेको थियो । जून पूरा भएको छ ।
लेखकको बारेमा

- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ श्रावण १६, बिहीबार १८:४७वाग्मती प्रदेशलाई पूर्णखोप सुनिश्चितता घोषणा गरिने
समाचार२०८२ श्रावण १६, बिहीबार १८:४५बाढीबाट क्षतिग्रस्त बिपी राजमार्ग पुनःस्थापना गर्न जापान सरकारको अनुदान स्वीकार गर्ने
कला, विचार/मनोरञ्जन२०८२ श्रावण १६, बिहीबार १७:५२ज्ञानेन्द्र देउजाको ‘झिँगेदाउ २’ को नयाँ गीत रेकर्ड
समाचार२०८२ श्रावण १६, बिहीबार ०९:३०प्रदेश प्रमुखको स्वास्थ्यमा समस्या: नवनियुक्त मन्त्रीहरूको शपथ स्थगित