अभिनेत्री केकी अधिकारीको बोक्सीको घर आउदो बैशाख १४ मा प्रदर्शन
फिल्म ‘बोक्सीको घर’को प्रदर्शन मिति घोषणा गरिएको छ । अभिनेत्री केकी अधिकारीको अभिनय तथा निर्माण रहेको फिल्म आउदो वर्षको बैशाख १४ गतेबाट फिल्म प्रदर्शनमा आउन लागेको हो ।मण्डला थिएटरमा झन्डै ८ वर्ष अगाडि एक महिनासम्म मञ्चन भएको ‘बोक्सीको घर’ नाटकमा आधारित भएर फिल्म निर्माण भएको हो । फिल्मका लेखक तथा निर्देशक सुलक्षण भारती हुन् ।
‘केकी अधिकारी फिल्म्स’को ब्यानरमा निर्माण रहेको फिल्ममा केकीका साथमा सुपला सापकोटा, श्वेच्छा राउत, सुलक्षण भारती, रमा थपलिया आदिको अभिनय रहेकोछ ।समाजमा महिलालाई बोक्सीको आरोप लगाएर गर्ने विभेद र शोषणमा फिल्म आधारित छ । सामाजिक-थ्रिलर कथामा बनेको फिल्मले समाजमा प्रचलित कुप्रथालाई चित्रण गर्ने केकीले बताएकी छन् ।
नेपाल प्रदर्शनपछि फिल्मलाई अन्तर्राष्ट्रिय फेस्टिभलमा समेत लैजाने केकीको योजना छ । फिल्मको कार्यकारी निर्माता राजकुमार घिमिरे हुन् । लोचन रिजालको ब्याकग्राउण्ड म्युजिक रहेको फिल्मलाई शिवराम श्रेष्ठले छायांकन तथा लोकेश बज्राचार्यले सम्पादन गरेका हुन् । यो फिल्मलाई टिफल्क फिल्मसले वितरण गर्नेछ । ‘बोक्सीको घर’ नाटकमा अभिनेत्री सरिता गिरीको अभिनय थियो
लेखकको बारेमा
लेखकसँग सम्बन्धित खबरहरु
समाचार२०८२ मंसिर ११, बुधबार २१:२२लैंगिक हिंसा विरुद्दको १६ दिने अभियान अन्तर्गत अभिमुखिकरण कार्यक्रम सम्पन्न- समाचार२०८२ मंसिर १०, मंगलवार २२:४२आज देखि लैङगिक हिंसा विरुद्दको १६ दिने अभियान संचालन
- समाचार२०८२ मंसिर ६, शुक्रबार १६:३८आयोजित बैंक तथा वित्तिय संस्थासंगको अन्तरक्रिया तथा छलफल कार्यक्रम सफलतापूर्वक सम्पन्न भएको छ ।
- स्वास्थ्य/जानकारी टिप्स२०८२ कार्तिक २९, शुक्रबार १६:१९प्रभावकारी तरिकाले तनाव घटाउने ११ उपाय
