नगरपालिकाद्धारा ‘ग’ वर्गका अपांगता भएका व्यक्तिलाई निःशुल्क स्वास्थ्य बीमा
धादिङ, साउन २२ गते ।
नीलकण्ठ नगरपालिकाले ‘ग’ वर्गका अपांगता भएका व्यक्तिहरू र उनीहरूको परिवारलाई लक्षित गरी निःशुल्क स्वास्थ्य बीमा कार्यक्रम सुरु गर्ने भएको छ।
नगरपालिकामा बुधबार सम्पन्न अपांगता परिचयपत्र समन्वय समितिको बैठकले ‘ग’ वर्गको अपांगता भएका व्यक्ति तथा उनका पाँच जनासम्मका परिवार सदस्यको स्वास्थ्य बीमा खर्च नगरपालिकाले बेहोर्ने निर्णय गरेको हो।
“संघीय सरकारले ‘क’ वर्ग र प्रदेश सरकारले ‘ख’ वर्गका अपांगता भएका व्यक्तिहरूलाई स्वास्थ्य बीमा र सहुलियत सुविधा दिँदै आएको छ। अब ‘ग’ वर्गमा परेका अपांगता भएका व्यक्तिहरूलाई स्थानीय तहबाट सुविधा प्रदान गरिनेछ,”नगरपालिकाका उप–प्रमुख दिपक विश्वकर्माले भन्नुभयो।
उहाँका अनुसार नीलकण्ठ नगरपालिकाभित्र हालसम्म २७५ जना ‘ग’ वर्गको अपांगता परिचयपत्र लिएका व्यक्ति छन्। ती सबै व्यक्ति र उनीहरूको परिवारले यस योजनाबाट प्रत्यक्ष लाभ लिन सक्नेछन्।
यस कार्यक्रमलाई प्रभावकारी रूपमा कार्यान्वयन गर्न वडा कार्यालयहरू, बीमाकर्ता, र बीमा दर्ता सहयोगीहरूलाई आवश्यक जानकारी दिइने र लक्षित लाभग्राहीहरूलाई सूचित गरिने समेत नगरपालिकाले जनाएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार २०, शनिबार १८:१४कमल एक्चै मगरको ‘बाछिटा’ले जित्यो नगद एक लाख पचास हजार- स्वास्थ्य/जानकारी टिप्स२०८३ असार २०, शनिबार १६:५९१४ संघीय अस्पतालमा जलन उपचार इकाइ स्थापना « रिपोर्टर्स नेपाल
- कला, विचार/मनोरञ्जन२०८३ असार २०, शनिबार १०:४५तिहारमा आउँदै ‘जिरो डिग्री’, रिलिज मिति परिवर्तन नहुने निर्माण पक्षको स्पष्टोक्ति
- समाचार२०८३ असार २०, शनिबार १०:३२गण्डकी प्रदेश स्तरीय बीमा हाजिरीजवाफ प्रतियोगिता सम्पन्न, मदरल्याण्ड मावि प्रथम
