रास्वपा सभापति रवि लामिछाने थुनामुक्त
काठमाडौँ- राष्ट्रिय स्वतन्त्र पार्टी (रास्वपा) का सभापति रवि लामिछाने थुनामुक्त हुनु भएको छ । सभापति लामिछाने रुपन्देही जिल्ला अदालत पुगेर कानुनी प्रत्रिया पुरा गरेसंगै थुनामुक्त हुनु भएको हो ।
काठमाण्डौबाट बिमानमार्फत चितवन पुग्नुभएका लामिछाने चितवनबाट स्थलमार्ग हुदैं भैरहवा पुग्नु भएको थियो । अदालतमा पुगेर बुटवल उच्च अदालत, तुलसीपुर ईजलासले दिएको आदेश अनुसारको कानुनी प्रक्रिया पुरा गरेपछि उहाँ थुनामुक्त हुनु भएको जिल्ला अदालत रुपन्देहीका सुचना अधिकारी पदम अर्यालले बताउनुभयो ।
सभापति लामिछाने भैरहवा पुगेपछि अहिले भैरहवामा रास्वपा सर्मथकको व्यापक भिड लागेको छ । श्रीमती निकिता पौडेल, रास्वपाका केही नेताहरूसंगै भैरहवा पुग्नु भएका लामिछानेले बिभिन्न स्थानमा जम्मा भएका नेता तथा कार्यकर्तालाई धन्यबाद सहितको सम्बोधन पनि गर्नुभयो ।सभापति लामिछानेलाई नेपाल प्रहरीको रोहबरमा भैरहवा लगिएको थियो ।
बिहीबार उच्च अदालत बुटवलका न्यायाधीशद्वय बासुदेव आचार्य र तेजनारायण पौडेलको इजलासले लामिछानेलाई थुनामुक्त गर्न आदेश दिएपछि आवश्यक कागजी प्रक्रिया पूरा गर्न उहाँ आज रुपन्देही जानु भएको हो । उहाँलाई अदालतले शर्तसहित थुनामुक्त गर्न आदेश गरेको थियो । बुटवलको सुप्रिम वचत तथा ऋण सहकारी सस्था लिमिटेडको ठगी र संगठित अपराध मुद्दाको आरोपमा लामिछाने पुर्पक्षका लागि थुनामा रहनु भएको थियो ।।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार २५, बिहीबार १४:०१सुमनको चलचित्र डेब्यू, ‘तिरिमिरी झ्याइँ’को शुभ मुहूर्त सम्पन्न- स्वास्थ्य/जानकारी टिप्स२०८३ असार २५, बिहीबार १२:५७स्वास्थ्यमन्त्री र नर्वेका राजदूतबिच भेट, भयाे यस्ताे विषयमा छलफल
- स्वास्थ्य/जानकारी टिप्स२०८३ असार २४, बुधबार २३:०८औषधि आपूर्तिमा अनियमितता गर्ने सिभिल अस्पतालका आठ कर्मचारीविरुद्ध मुद्दा
- समाचार२०८३ असार २४, बुधबार १९:२३३० वर्षदेखि ग्राभेलसमेत हुन सकेन पानधारे–काउले सडक,स्थानीयको प्रश्न–‘अब कहिलेसम्म प्रतीक्षा?’
