सिद्धलेकमा बृहत् निःशुल्क स्वास्थ्य शिविर तथा शैक्षिक सामग्री वितरण हुने
धादिङ,१७ पुस
सिद्धलेक गाउँपालिका वडा नं. ३ स्थित इटपानी, सलाङ स्वास्थ्य चौकीमा बृहत् निःशुल्क स्वास्थ्य शिविर तथा विपन्न नागरिकलाई शैक्षिक सामग्री र न्यानो कपडा वितरण गरिने भएको छ।सशस्त्र प्रहरी बल नेपाल, धादिङको आयोजनामा तथा सिद्धलेक गाउँपालिकाको सह–आयोजनामा बृहत् निःशुल्क स्वास्थ्य शिविर तथा विपन्न नागरिकलाई शैक्षिक सामग्री र न्यानो कपडा वितरण कार्यक्रम हुने भएको हो ।
शिविरमार्फत स्थानीय नागरिकलाई जनरल स्वास्थ्य परीक्षण, निःशुल्क औषधि वितरण, गर्भवती महिलाका लागि भिडियो एक्स–रे सेवा, दाँत जाँच तथा उपचार लगायतका सेवा प्रदान गरिने आयोजकले जनाएको छ। यसैगरी, महिलाहरूका लागि भिआइए जाँच, आङ खस्ने रोगको परीक्षण तथा रिङ प्रेसरी राख्ने सेवा पनि उपलब्ध गराइनेछ।
स्वास्थ्य शिविरमा जटिलता पहिचान भएका बिरामीहरूलाई थप उपचारका लागि प्रेषण (रेफरल) सेवा प्रदान गरिनेछ भने विपन्न तथा आवश्यकता भएका नागरिकहरूलाई शैक्षिक सामग्री र न्यानो कपडा वितरण गरिने कार्यक्रम रहेको छ।सिद्धलेक गाउँपालिकाका अध्यक्ष परशुराम खतिवडाले दुर्गम तथा ग्रामीण क्षेत्रका नागरिकलाई घरआँगनमै स्वास्थ्य सेवा पु¥याउने उद्देश्यले शिविर आयोजना गरिएको बताउनुभयो।
उहाँले भन्नुभयो, “आर्थिक अभावका कारण उपचारबाट वञ्चित हुन नपरोस् भन्ने उद्देश्यले यो शिविर आयोजना गरिएको हो। यसबाट स्थानीय बासिन्दाले प्रत्यक्ष लाभ लिने विश्वास लिएका छौँ।”कार्यक्रममा सम्पूर्ण सरोकारवाला निकाय, स्थानीय जनप्रतिनिधि तथा नागरिकहरूलाई उपस्थित भई सेवा लिन र कार्यक्रम सफल बनाउन सहयोग गर्न अनुरोध गरेको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ जेष्ठ १२, मंगलवार १३:३८प्रधान सेनापति राष्ट्रिय खुला टेनिस प्रतियोगिता सम्पन्न- कला, विचार/मनोरञ्जन२०८३ जेष्ठ १२, मंगलवार १०:४१चलचित्र ‘कुम्भ’ को एक्सन प्याक ट्रेलर सार्वजनिक
- खेलकुद२०८३ जेष्ठ ११, सोमबार २३:१०पलेशाले दिलाइन् नेपाललाई कास्य
- कला, विचार/मनोरञ्जन२०८३ जेष्ठ ११, सोमबार २०:४९‘काजी’को असारे गीत ‘ज्यानको तिर्खा’ मा गरिमा र संदीप
