रेन्ज फाइट टिमका युजिन र कोशिशको अन्तर्राष्ट्रिय रिङमा शानदार जित
काठमाडौं । नक्सालस्थित रेज फिटनेस अन्तर्गतको रेज फाइट टिमका खेलाडीहरू युजिन र कोशिशले अन्तर्राष्ट्रिय प्रतिस्पर्धामा उत्कृष्ट प्रदर्शन गर्दै नेपाललाई गौरवान्वित बनाएका छन्।
५२ केजी तौल समूहमा प्रतिस्पर्धा गरेकी युजिनले श्रीलंकाकी खेलाडी शैनी चामोद्यालाई पहिलो राउण्डमै रेफ्री स्टपेजमार्फत पराजित गर्दै शानदार जित हात पारिन्। युजिनको सुरुवाती प्रतिस्पर्धा पाकिस्तानकी बुश्रा अख्तरसँग तय भएको थियो। तर बुश्राको चोटका कारण अन्तिम समयमा, नेपालबाट यात्रा गर्ने क्रममा नै प्रतिद्वन्द्वी परिवर्तन भई श्रीलंकाकी शैनी चामोद्यासँग भिडन्त तय भएको थियो।
त्यस्तै, ७० केजी तौल समूहमा प्रतिस्पर्धा गरेका कोशिशले भारतका खेलाडी सुर्या पी. लाई दोस्रो राउण्डमा टीकेओ (TKO)मार्फत पराजित गर्दै निर्णायक जित दर्ता गरे। कोशिशको प्रारम्भिक प्रतिस्पर्धा भारतकै फहादसँग तय भएको थियो। तर फहाद बिरामी परेपछि, खेल हुनुभन्दा एक हप्ता अघि नै प्रतिद्वन्द्वी परिवर्तन गरिएको थियो।
अन्तिम समयमा प्रतिद्वन्द्वी परिवर्तन भएपनि दुबै खेलाडीले उच्च आत्मविश्वास, कडा तयारी र उत्कृष्ट कौशल प्रस्तुत गर्दै जित हात पार्न सफल भए। रेज फिटनेस, नक्सालको रेज फाइट टिमबाट प्रतिस्पर्धा गरेका युजिन र कोशिशको यो सफलताले नेपाली मार्शल-आर्ट्स क्षेत्रमा नयाँ उत्साह थपेको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार ३२, बिहीबार ०९:१०सुरु भयो ‘रातो घेरा’ को छायांकन- खेलकुद२०८३ असार ३२, बिहीबार ०७:४१दुई दशकअघि काखमा बोकेका बालकसँग विश्वकप फाइनलमा भिड्दै मेस्सी
- सूचना-प्रविधि२०८३ असार ३१, बुधबार २०:४८अब यी चलचित्रले प्रदर्शन अनुमति नपाउने
- समाचार२०८३ असार ३१, बुधबार १८:३०नीलकण्ठमा शिक्षाको प्रकाश छरेर विदाई भए बरिष्ठ शिक्षा अधिकृत प्रकाशदत्त भट्ट
