आहा ! रारा पोखरा गोल्डकप : जावलाखेल विजयी, मछिन्द्र २-० ले पराजित

पोखरा । २५ औं आहा रारा पोखरा गोल्डकपमा मछिन्द्रमाथी जावलाखेलले सहज जित निकालेको छ ।

सहारा क्लब पोखराको आयोजनामा पोखरा रंगशाला स्थित फुटबल मैदानमा जारी प्रतियोगितामा जावलाखेलले २-० ले जित निकालेको हो ।

पहिलो हाफ गोलरहित बराबरीमा रोकिएपनी जावलाखेलले दोस्रो हाफमा २ गोल गरेको हो । खेलको ४१ औं मिनेटमा मछिन्द्रले गोल गर्ने सुवर्ण अवसर खेर फाल्यो ।

जावलाखेलका गोलरक्षक युनिस चौधरीले क्लियर गर्ने क्रममा मछिन्द्रका राजन पुनलाई लाग्दै गोललाइन नजिक पुगेको बल युनिसले नै जोगाए ।

५४ औं मिनेटमा जावलाखेलका निकोलस ओडाने हामिल्टोनले अग्रता दिलाए । उनले बोउबाकर सिसोक्सोलाई दिएको पासमा ओडानेले नै गोल गरे । ६६ औं मिनेटमा बोउबाकर सिसोक्सोले अग्रता दोब्बर पारे ।

पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=20862, citypokhara.com