कीर्तिपुरमा ६८ काग मृत फेला, बर्डफ्लु संक्रमण पुष्टि
काठमाडौं, चैत ११ । कीर्तिपुरस्थित त्रिभुवन विश्वविद्यालय परिसरमा मृत भेटिएका ठूलो संख्याका कागमा बर्डफ्लु संक्रमण पुष्टि भएको छ। कीर्तिपुर नगरपालिका र पशु सेवा विभागको संयुक्त टोलीले त्रिवि परिसरबाट संकलन गरिएका कागको परीक्षणपछि संक्रमण पुष्टि गरेको हो।
टोलीले मृत फेला परेका ६८ वटा काग संकलन गरी मंगलबार गाडेको जनाएको छ। केही काग अझै फेला परेकाले संकलन कार्य जारी रहने बताइएको छ। नगरपालिकाकी पशुसेवा प्रमुख सुशीला गैरेका अनुसार एक साताअघि स्थानीयबाट काग मरेको जानकारी प्राप्त भएपछि नमूना परीक्षणका लागि १० वटा काग प्रयोगशालामा पठाइएको थियो।
परीक्षणपछि ती कागमा बर्डफ्लु पुष्टि भएको हो। यसपछि संयुक्त टोलीले थप काग संकलन र व्यवस्थापन सुरु गरेको हो। सोही क्षेत्रमा अन्य पंक्षी मृत भेटिएमा नमूना संकलन गर्न पनि निर्देशन दिइएको छ। संकलन गरिएका कागहरू खाल्डो खनी गाडिएको जनाइएको छ। उक्त क्षेत्रमा अन्य चराको अस्वाभाविक मृत्यु भने नदेखिएको बताइएको छ।
पशु सेवा विभागका अनुसार परीक्षणका क्रममा एच एन वान र एच नाइन प्रकारका बर्डफ्लु भाइरस देखिएको छ। यसअघि पनि राजधानीका विभिन्न स्थानमा यस्तै संक्रमण देखिएको थियो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
सूचना-प्रविधि२०८३ असार ३१, बुधबार २०:४८अब यी चलचित्रले प्रदर्शन अनुमति नपाउने- समाचार२०८३ असार ३१, बुधबार १८:३०नीलकण्ठमा शिक्षाको प्रकाश छरेर विदाई भए बरिष्ठ शिक्षा अधिकृत प्रकाशदत्त भट्ट
- स्वास्थ्य/जानकारी टिप्स२०८३ असार ३१, बुधबार १३:३१चिकित्सकहरूको आन्दोलनप्रति संघको ध्यानाकर्षण,जायज माग सम्बोधन गर्न सरकारलाई आग्रह
- कला, विचार/मनोरञ्जन२०८३ असार ३१, बुधबार १०:२८‘मास्टर्नी’ प्रियंका कार्कीलाई दुर्गेशको उपहार (भिडियो)
