दशरथ रंगशालाले अन्तर्राष्ट्रिय मान्यता गुमाउँदा लाओसमा खेल

काठमाडौं, चैत १७ । एएफसी एसियन कप छनोटको तेस्रो चरण अन्तर्गत आज हुने खेलमा नेपाल र लाओस भिड्दैछन् । लाओसको लेओ राष्ट्रिय स्टेडियममा हुने खेल नेपाली समय अनुसार बेलुकी ५:४५ बजे शुरु हुनेछ । नेपाली राष्ट्रिय फुटबल टोलीका लागि मुख्य प्रशिक्षक गुलिएल्मो एरिनाले आज आफ्नो पहिलो औपचारिक खेलमा नेतृत्व गर्दैछन् ।

यस खेल नेपालको होम म्याच भए पनि दशरथ रंगशालाले अन्तर्राष्ट्रिय मान्यता गुमाउँदा खेल लाओसमै हुन लागेको हो । छनोटबाट बाहिरिसकेपनि प्रशिक्षक एरिनाले जित निकाल्ने लक्ष्यका साथ मैदान उत्रने बताएका छन् ।

नेपाल आज जित निकाल्दै छनोटको सुखद अन्त्य गर्ने लक्ष्यमा रहेको छ । नेपालले छनोटमा एकमात्र जित निकालेको छ । मलेसियासँगको छनोटको पहिलो खेलमा नेपाल २-० गोलले पराजित भएपनि नतिजा उल्टाउँदै नेपालको पक्षमा दिइएको थियो ।

गत नोभेम्बरमा भएको खेलमापनि नेपाल मलेसियासँग १-० गोलले पराजित भएको थियो । अन्य खेलमा नेपाल भियतनामसँग ३-१ र १-० तथा लाओससँग २-१ गोलले पराजित भएको थियो । हाल नेपाल र लाओस ५ खेलबाट समान तीनरतीन अंक जोड्दै क्रमशः तेस्रो र चौथो स्थानमा रहेका छन् । दुवै टोली छनोटबाट बाहिरिसकेका छन् ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।