चिकित्सक संघले सरकारको आदेश नमान्ने, आइतबार ओपीडी सेवा नखोल्ने अडान

काठमाडौं, चैत २८ । नेपाल चिकित्सक संघले आइतबार वहिरंग (ओपिडी) सेवा उपलब्ध गराउन नसकिने जनाएको छ । सरकारले आइतबार पनि ओपीडी सेवा खोल्न अस्पतालहरूलाई अनुरोध गरे पनि संघले विज्ञप्ति जारी गर्दै जनशक्ति थप नगरिएकाले सार्वजनिक बिदाका दिन ओपीडी सेवा दिन नसकिने जनाएको हो । सरकारले शनिबार र आइतबार सार्वजनिक बिदा दिने निर्णय गरेपछि स्वास्थ्य संस्थामा पनि बिदाको व्यवस्था गरिएको थियो ।

तर, बिरामीलाई समस्या पर्ने भन्दै स्वास्थ्य तथा जनसंख्या मन्त्रालयले हिजो आइतबार पनि ओपीडी सेवा सञ्चालन गर्न निर्देशन दिएको थियो । चिकित्सक संघले भने आइतबार ओपीडी सेवा सञ्चालन गर्न नसकिने बताएको हो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।