पोखरामा अफलाइन पठाओ/इनड्राइभ चलाउने १३ जना पक्राउ
पाेखरा । पोखरा नगरक्षेत्रमा अफलाइन रूपमा सवारी सेवा सञ्चालन गरी बढी भाडा असुल्ने र यात्रुलाई दुःख दिने कार्यमा संलग्न १३ जनालाई प्रहरीले पक्राउ गरेको छ।
पक्राउ पर्नेहरूमा विष्णु बहादुर नेपाली, राजन परियार, लिल बहादुर गुरुङ, प्रविण थापा, नवीन थापा, दिपक कुमार गुरुङ, अम्मर बहादुर महतरा, माधव कुईकेल, बुद्धि बहादुर वि.क., बिक्की लामा, कृष्ण कुमाल, मिन बहादुर थापा र कृष्ण बहादुर गुरुङ रहेका छन्।
जिल्ला प्रहरी कार्यालयबाट प्राप्त सूचनाअनुसार पोखरा महानगरपालिकाका विभिन्न स्थानबाट उनीहरूलाई नियन्त्रणमा लिइएको हो। पक्राउ परेकाहरूले पठाओ/इनड्राइभमा आवद्ध रहे वा नरही अफलाइन रूपमा मोटरसाइकल सञ्चालन गरी यात्रुसँग तोकिएको भन्दा बढी भाडा लिने तथा अनावश्यक दुःख हैरानी दिने गरेको सूचनाका आधारमा कारबाही गरिएको प्रहरीले जनाएको छ।
वडा प्रहरी कार्यालय बैदाम सहितको टोलीले विशेष अपरेशन सञ्चालन गरी उनीहरूलाई पक्राउ गरेको हो। पक्राउ परेकामाथि आवश्यक अनुसन्धान प्रक्रिया अगाडि बढाइएको जिल्ला प्रहरी कार्यालय कास्कीले जनाएको छ।
प्रहरीले यस्ता अवैध तथा अनियमित सवारी सेवा सञ्चालन गर्नेहरू विरुद्ध कडाइ गर्ने चेतावनी समेत दिएको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=21369, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ श्रावण ३०, शनिबार ०६:२१गण्डकीमा ‘शुद्ध बोल्छ गण्डकी, शुद्ध लेख्छ गण्डकी’ अभियान सुरु- समाचार२०८३ श्रावण २९, शुक्रबार १७:२८‘पोखरा घर’बाट पाँच सेवा, स्थानीय उत्पादनदेखि पर्यटन प्रवर्धनसम्म जोड
- समाचार२०८३ श्रावण २९, शुक्रबार १०:३९मोदी खोला बाढी: मन्दिरमा फसेका तीन जनाको सकुशल उद्धार
- समाचार२०८३ श्रावण २९, शुक्रबार ०६:३१गण्डकी प्रदेश प्रमुखसमक्ष मुख्य न्यायाधिवक्ताको प्रतिवेदन पेश
