निर्माण सामग्रीको अस्वाभाविक मूल्यवृद्धिविरुद्ध धादिङका व्यवसायी आन्दोलित
धादिङबेशी,१ जेठ । निर्माण सामग्री तथा इन्धनको चर्को मूल्यवृद्धिका कारण निर्माण व्यवसाय संकटमा परेको भन्दै धादिङ निर्माण व्यवसायी संघले सरकारको ध्यानाकर्षण गराएको छ । संघका अध्यक्ष राजेन्द्र अधिकारीले सहायक प्रमुख जिल्ला अधिकारीमार्फत नेपाल सरकारलाई ज्ञापनपत्र बुझाउँदै निर्माण सामग्रीको मूल्य समायोजन र व्यवसायीका समस्या समाधानका लागि तत्काल पहल गर्न माग गर्नुभएको हो ।
संघका महासचिव धर्मराज लोहोनीद्वारा हस्ताक्षरित ज्ञापनपत्रमा पछिल्लो समय डिजेल, पेट्रोलियम पदार्थ, बिटुमिन, फलामजन्य सामग्रीलगायत निर्माण क्षेत्रमा प्रयोग हुने सामग्रीको मूल्य अस्वाभाविक रूपमा बढ्दा निर्माण व्यवसाय सञ्चालन गर्न कठिन भएको उल्लेख गरिएको छ । मूल्यवृद्धिका कारण कतिपय निर्माण कार्य प्रभावित तथा ठप्प हुने अवस्थामा पुगेको संघको भनाइ छ । अध्यक्ष अधिकारीको अनुसार निर्माण व्यवसायी महासंघले यसअघि नै सरकारसँग मूल्य समायोजनको माग राखेको भए पनि हालसम्म कुनै सुनुवाइ नभएकाले देशभरका जिल्ला प्रशासन कार्यालयमार्फत ज्ञापनपत्र बुझाउन बाध्य भएको हो ।
उहाँले सबै आयोजना व्यवसायीको लापरबाहीका कारण रोकिएको भन्ने आरोप यथार्थ नभएको पनि बताउनुभएको छ । उहाँको अनुसार “कतै वन क्षेत्रका रूख कटानको समस्या छ, कतै विद्युतका पोल सार्ने काम हुन सकेको छैन, कतिपय ठाउँमा नदीजन्य सामग्री उत्खननमा अवरोध छ, यी र यस्ता प्रशासनिक र संरचनागत समस्याका कारण पनि धेरै आयोजना समयमै सम्पन्न हुन सकेका छैनन् ।
”संघले निर्माण क्षेत्रलाई सहज रूपमा सञ्चालन गर्न मूल्य समायोजन, आवश्यक सहजीकरण तथा नीतिगत समस्या समाधानका लागि सरकारसँग तत्काल पहल गर्न आग्रह गरेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ जेष्ठ १०, आईतवार १२:३८बियोन्डको नयाँ गीत ‘झिम झिम’ सार्वजनिक- खेलकुद२०८३ जेष्ठ ९, शनिबार ०७:०१हैदरावाद ५५ रनले विजयी « रिपोर्टर्स नेपाल
- स्वास्थ्य/जानकारी टिप्स२०८३ जेष्ठ ८, शुक्रबार २२:५९क्यान्सरको उपचारमा प्रयोग हुने औषधि अभाव
- खेलकुद२०८३ जेष्ठ ८, शुक्रबार १७:३३अमेरिकाविरुद्धको खेलमा नेपालले सहज जित
