धादिङको पुछार बजारमा दुई दिने रोग विशेष योग शिविर आयोजना हुने

धादिङ, २८ जेठ ।
पतन्जली योग समिति धादिङको आयोजनामा आगामी जेठ ३० र ३१ गते योग शिविर हुन लागेको छ । निलकण् नगरपालिका वडा नम्बर –३ स्थित पुछार बजारमा दुई दिने ’रोग विशेष योग शिविर’ सञ्चालन हुने भएको छ ।पुछार बजारमा रहेको किबो बोर्डिङ स्कूलको प्राङ्गणमा आयोजना हुने उक्त शिविरमा विभिन्न रोगबाट ग्रसित नागरिकहरूलाई लक्षित गरी विशेष योग प्रशिक्षण दिइने पतन्जली योग समिति धादिङका प्रभारी बद्री सुवेदीले जानकारी दिनुभयो ।शिविरमा पतन्जली योग समिति बागमती प्रदेशका प्रमुख एव रोग विशेष योग गुरु ग्रोबिन तौजल र प्रदेश महामन्त्री एवं रोग विशेष योग गुरु सुधा कलौनीले प्रत्यक्ष रूपमा योग प्रशिक्षण तथा परामर्श प्रदान गर्नुहुनेछ ।

विभिन्न किसिमका पुराना तथा जटिल स्वास्थ्य समस्याहरूलाई योग र प्राकृतिक चिकित्साको माध्यमबाट कसरी निको पार्न सकिन्छ भन्नेबारे शिविरमा विशेष प्रशिक्षण दिइने समितिले जनाएको छ ।शिविरमा ढाड तथा कम्मरको दुखाई,सुगर प्रेसर र थाईराईड रोग विशेष योग शिविर हुनेछ । जेठ ३० र ३१ गते दुई दिनसम्म चल्ने उक्त शिविरमा स्वास्थ्य लाभ लिनका लागि धादिङबेसी तथा आसपासका क्षेत्रका सम्पूर्ण योग प्रेमी तथा बिरामी आम नागरिकहरूलाई गरिमामय उपस्थितिको लागि पतन्जली योग समिति धादिङले हार्दिक अनुरोध गरेको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।