बाढीपीडितको उद्धार तथा राहतका लागि नेपाल गजल प्रतिष्ठानद्वारा एक लाख १५ हजार रुपैयाँ सहयोग

धादिङ, २१ भदौः
नेपाली साहित्यमा गजल विधाको उन्नयनका लागि निरन्तर सक्रिय नेपाल गजल प्रतिष्ठानले भोटेकोसी हुँदै त्रिशूली नदीमा आएको विनाशकारी बाढीबाट प्रभावित नागरिकको उद्धार तथा राहतका लागि एक लाख १५ हजार ३ सय ६९ रुपैयाँ सहयोग गरेको छ ।
भदौ १० गते आएको बाढीबाट भएको अपूरणीय मानवीय तथा भौतिक क्षतिप्रति दुःख व्यक्त गर्दै प्रतिष्ठानले संस्थागत रूपमा उक्त रकम प्रधानमन्त्री राहत कोषमा जम्मा गरेको हो ।
प्रतिष्ठानले बाढीका कारण ज्यान गुमाएका व्यक्तिप्रति भावपूर्ण श्रद्धाञ्जली अर्पण गर्दै दिवंगत आत्माको चिरशान्तिको कामना गरेको छ । साथै शोकसन्तप्त परिवारजन तथा आफन्तप्रति हार्दिक समवेदना व्यक्त गर्दै बेपत्ता भएका नागरिकहरू सकुशल भेटिऊन् भन्ने कामना गर्दै प्रतिष्ठानले उद्धार तथा खोजी कार्यमा जुटिरहेका सम्पूर्णप्रति सम्मान व्यक्त गरेको छ ।
विपद्को कठिन घडीमा बाढीपीडितको उद्धार तथा राहतमा केही सहयोग पुगोस् भन्ने मानवीय भावनाका साथ गजलकारहरूको साथ र सहयोगमा रकम संकलन गरिएको प्रतिष्ठानले जनाएको छ ।
यस्तो महाविपत्तिमा पीडितहरूको साथमा उभिनु सबैको साझा मानवीय दायित्व रहेको र दुःखमा सहारा तथा विपत्तिमा सहयोग गर्ने सामूहिक प्रयासबाट मात्रै कठिन समय पार गर्न सकिने नेपाल गजल प्रतिष्ठानका अध्यक्ष लालकाजी श्रेष्ठले बताउनुभयो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ कार्तिक ३०, आईतवार २१:३५राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा
समाचार२०८३ कार्तिक ३०, आईतवार १९:२५अस्ताउँदो सूर्यलाई अर्घ दिएर ‘सझिया अरख’ विधि सम्पन्न
कला, विचार/मनोरञ्जन२०८३ कार्तिक ३०, आईतवार १६:५९चलचित्र ‘फ्रेन्च किस’ को टिजर सार्वजनिक » Celebrity Nepal
कला, विचार/मनोरञ्जन२०८३ कार्तिक ३०, आईतवार ११:५६मंसिर ११ मा आउने चलचित्र ‘ककाकिकी’ को ट्रेलर सार्वजनिक









