मियामी विमानस्थलमा अमेजनको कार्गो विमान दुर्घटना, पाँच जनाको मृत्यु
अमेरिका । अमेरिकाको मियामी अन्तर्राष्ट्रिय विमानस्थलमा अमेजनका लागि सञ्चालनमा रहेको कार्गो विमान रनवेबाट बाहिरिएर दुर्घटनाग्रस्त हुँदा कम्तीमा पाँच जनाको मृत्यु भएको छ भने पाँच जना घाइते भएका छन्।
स्थानीय समयअनुसार आइतबार दिउँसो करिब २ बजे अवतरण गर्ने क्रममा बोइङ ७६७–३०० विमान रनवेबाट बाहिरिएको थियो। २१ एयरले अमेजनका लागि सञ्चालन गरेको उक्त विमान सान जुआन, पोर्टो रिकोबाट मियामी आएको थियो।
रनवेबाट बाहिरिएपछि विमानले सडक पार गर्दै केही सवारीसाधनलाई ठक्कर दिएको थियो। त्यसपछि विमानमा आगलागी भएको थियो। दुर्घटनामा पाँच जनाको मृत्यु भएको र पाँच जना घाइते भएको मियामी–डेड काउन्टीका अधिकारीहरूले बताएका छन्। घाइतेमध्ये तीन जनाको अवस्था गम्भीर रहेको जनाइएको छ।
दुर्घटनालगत्तै ६० भन्दा बढी आपत्कालीन उद्धार टोली तथा करिब २०० जना उद्धारकर्मी घटनास्थलमा परिचालन गरिएको थियो।
उद्धारकर्मीहरूले विमानमा लागेको आगो नियन्त्रणमा लिनुका साथै विमान तथा सवारीसाधनमा फसेका व्यक्तिहरूको उद्धार गरेका थिए।
दुर्घटनापछि विमानस्थलको उडान सेवा केही समय प्रभावित भएको थियो। दुर्घटनाको कारणबारे अमेरिकी राष्ट्रिय यातायात सुरक्षा बोर्ड (NTSB) र संघीय उड्डयन प्रशासन (FAA) ले अनुसन्धान सुरु गरेका छन्।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=22552, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ आश्विन १८, आईतवार १५:०५कास्की आइडल–२ को सेमिफाइनल सम्पन्न, गायन र नृत्यतर्फ १०–१० जना फाइनलमा- समाचार२०८३ आश्विन १८, आईतवार ११:१५आप्रवासी स्रोत केन्द्रका परामर्शकर्मीलाई तनाव व्यवस्थापन तालिम
- समाचार२०८३ आश्विन ७, बुधबार १४:४१दलित अधिकार तथा विकास विधेयकमाथि पोखरामा सुझाव संकलन
- समाचार२०८३ आश्विन ६, मंगलवार १५:५१निःशुल्क तथा अनिवार्य शिक्षाको प्रभावकारी कार्यान्वयनमा जोड
