विराटनगरसँग सुदूरपश्चिम ३५ रनले पराजित

काठमाडौं । नेपाल प्रिमियर लिग (एनपीएल) अन्तर्गत शनिबार भएको ५ ओभरको खेलमा विराटनगर किंग्सले सुदूरपश्चिम रोयल्सलाई ३५ रनले पराजित गरेको छ।

विराटनगरले दिएको १०६ रनको लक्ष्य पछ्याएको सुदूरपश्चिमले निर्धारित ५ ओभरमा २ विकेट गुमाएर ७० रन मात्रै बनाउन सक्यो। यससँगै विराटनगरले प्रतियोगितामा पहिलो जित निकाल्दै २ अंक जोडेको छ।

विराटनगरको जितमा आन्द्रे रसेलले ब्याटिङ, बलिङ र फिल्डिङमा उत्कृष्ट प्रदर्शन गरे। उनले अविजित २९ रन बनाउनुका साथै १ विकेट र १ क्याच लिए। शेहान जयासूर्याले सर्वाधिक ३९ तथा लोकेश बमले २५ रन बनाए।

जवाफमा सुदूरपश्चिमका स्कट कुगेलेइनले अविजित २८, सैफ जैबले १७ र आरिफ शेखले अविजित १७ रन बनाए। विराटनगरका रसेलले २ ओभरमा ८ रन दिएर १ विकेट लिए भने एन्जेलो म्याथ्युजले पनि १ विकेट लिए।

यस जितसँगै तीन खेल खेलेको विराटनगरले अंकको खाता खोलेको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।