मस्तिष्कको गम्भीर रोगबाट पीडित कृष्णप्रसादको उपचारका लागि ५० लाख आवश्यक, सहयोगको अपिल

काठमाडौं । सुनसरीको बराहक्षेत्र नगरपालिका–१० निवासी ४० वर्षीय कृष्णप्रसाद घिमिरेको उपचारका लागि परिवारले आर्थिक सहयोगको अपिल गरेको छ ।

मस्तिष्कको रक्तनलीसम्बन्धी गम्भीर रोग (ब्रेन एन्युरिज्म) बाट पीडित घिमिरे हाल काठमाडौंस्थित अन्नपूर्ण न्युरो अस्पतालमा उपचाररत छन् । चिकित्सकका अनुसार उनको मस्तिष्कको दुवैतर्फ कोइलिङ (Coiling) उपचार गर्नुपर्नेछ ।

उक्त उपचारका लागि करिब ५० लाख रुपैयाँ खर्च लाग्ने अनुमान गरिएको छ । परिवारको आर्थिक अवस्थाले यति ठूलो रकम जुटाउन नसक्ने भएपछि जीवनरक्षाका लागि देश तथा विदेशमा रहेका नेपालीसँग सहयोगको अपिल गरिएको हो ।

परिवारले आफन्त, साथीभाइ तथा सहयोगी मनहरूलाई सक्दो आर्थिक सहयोग गरिदिन आग्रह गरेको छ । सानो वा ठूलो जुनसुकै सहयोगले पनि उपचारमा महत्त्वपूर्ण योगदान पुग्ने परिवारको अपेक्षा छ ।

सहयोगका लागि बैंक विवरण :

बैंक : एनआईसी एसिया बैंक
खातावालाको नाम : कृष्णप्रसाद घिमिरे
खाता नम्बर : २४४५७५११०९८१७००१

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।