लायन्स क्लब अफ काठमाण्डौं सूर्यमुखीको अध्यक्षमा विक्रम विश्वकर्मा चयन
धादिङबेशी १०,जेष्ठ । लायन्स क्लब अफ काठमाण्डौं सूर्यमुखीको अध्यक्षमा विक्रम विश्वकर्मा चयन हुनु भएको छ । आज धादिङबेसी स्थित क्रिक रिसोर्टमा भएको लायन्स क्लब अफ काठमाण्डौं सूर्यमुखीको लायन वर्ष २०२५–२६ को निर्वाचन कार्यक्रम मार्फत बिश्वकर्मा सर्वसहमत अध्यक्ष चयन हुनुभएको हो ।
निर्वाचन कार्यक्रम मार्फत लायन वर्ष २०२५–२६ को प्रथम उपाध्यक्षमा राजाराम रिजाल, द्वितीय उपाध्यक्षमा डा.दिनेश रेग्मी, सचिवमा तारा रिजाल, सह सचिवमा मन्दिरा आचार्य, कोषाध्यक्षमा सुदर्शन गोम्जा चयन हुनु भएको छ । क्लवले आज निर्वाचन कार्यक्रम मार्फत लायन वर्ष २०२५–२६ को लागी १५ जना सदस्य सहित २२ जनाको कार्यसमिति चयन गरेको हो ।
क्लबको संस्थापक अध्यक्ष कविता ईटनीको प्रमुख आतिथ्यतामा निर्वाचन कार्यक्रम सम्पन्न भएको छ । कार्यक्रममा लायन वर्ष २०२५–२६ का जोन चियरपर्सन कृष्ण प्रसाद ढकाल शिशिर, रिजन चियन पर्सन कृष्ण बद्री पौडल लगाएतको आतिथ्यता रहेको थियो । कार्यक्रममा क्लबका सचिव तारा रिजालले क्लबले लायन वर्ष २०२४–२५ मा सम्पादन गरेको सामाजिक सेवाका कार्यहरूको विवरण प्रस्तुत गर्नु भएको थियो ।
क्लबले विषेशज्ञ स्वास्थ्य शिविर (५०० जनालाई स्वास्थ्य सेवा प्रदान) वृहत रक्तदान कार्यक्रम (१५२ पिन्ट रगत सङ्कलन), नक्षेत्र बाटिका वृक्षारोपण कार्यक्रम (राशी र नक्षेत्र अनुसारका २७ प्रकारका बिरुवा), चेपाङ समुदायका बालबालिकाहरुलाई न्यानो कपडा वितरण (५५ थान) लगायत कार्यक्रमको सम्पन्न गरिएको थियो
यस्तो छ, धादिङ अस्पतालका कर्मचारी समेत रहेका नवनियुक्त अध्यक्ष विक्रम विश्वकर्मा सामाजिक पृष्ठभूमीः
१) वि.स.२०६०–०६१ सम्म २ कार्यकाल जूनियर युवा रेडक्रस सोसाईटी कर्णेश्वर मा.वि.को अध्यक्ष
२) कर्णेश्वर मा.वि.मा जूनियर युवा रेडक्रस सर्कलको अध्यक्ष हुँदा जिल्ला स्तरीय जूनियर युवा सर्कल सम्मेलनको आयोजना र काभ्रेको बनेपामा सम्पन्न राष्ट्रिय जूनियर÷युवा रेडक्रस सर्कलको कार्यक्रममा धादिङ जिल्लाबाट पुरूष विद्यार्थीको प्रतिनिधित्व
३) वि.स.२०६६–६७ सम्म अमृत साइन्स क्याम्पसमा २ कार्यकाल युवा रेडक्रस सर्कलको अध्यक्ष
४) नेपाल रेडक्रस सोसाईटी धादिङको आजीवन सदस्य
५) लायन्स क्लब अफ धादिङ काठमाण्डौं क्लबको द्वितीय उपाध्यक्ष हुँदै हाल अध्यक्ष
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ भाद्र ५, बिहीबार ११:५९चितवनमा ठूलो मात्रामा लागू औषधसहित सात जना पक्राउ- स्वास्थ्य/जानकारी टिप्स२०८२ भाद्र ५, बिहीबार १०:५८पहाडमा पनि डेङ्गी जोखिमः बैतडीमा सात जनामा सङ्क्रमण पुष्टि
- समाचार२०८२ भाद्र ५, बिहीबार ०८:०२वाग्मती, कोशी र गण्डकीका पहाडी भेगमा भारी वर्षा हुने पूर्वानुमान
- समाचार२०८२ भाद्र ४, बुधबार २१:००मन्त्री दाहाल र राजदूत श्रीवास्तवद्वारा हेवा खोला बेलिब्रिज उद्घाटन
