मानव बेचबिखन तथा ओसारपसार विरुद्धको १९ औँ दिवस, धादिङबेशीमा प्रभातफेरी तथा अन्तरक्रिया
मानव बेचबिखन तथा ओसारपसार विरुद्धको १९ औँ राष्ट्रिय दिवसको अवसरमा धादिङबेशीमा अन्तरक्रिया कार्यक्रम सम्पन्न भएको छ। जिल्ला प्रहरी कार्यालय धादिङको आयोजनामा र नीलकण्ठ नगरपालिकाको सहकार्यमा सम्पन्न भएको कार्यक्रममा अन्तरक्रिया कार्यक्रम सम्पन्न भएकोक हो । शान्तिपूर्ण र सुरक्षित समाज निर्माण गर्ने उद्देश्यले “समुदाय–प्रहरी साझेदारी कार्यक्रम” अन्तर्गत धादिङबेसीमा कार्यक्रम गरिएको हो। कार्यक्रमअघि पुछार बजारबाट जिल्ला समन्वय समितिको हलसम्म प्रभातफेरी सम्पन्न भएको हो ।कार्यक्रममा जिल्ला प्रहरी कार्यालय धादिङका डिएसपी सुबास हमालले मानव बेचबिखन रोकथाम, यसको कारण तथा प्रभावबारे जानकारी गराउनु भएको थियो । उहाँले विभिन्न संयन्त्रले नियन्त्रणका प्रयास गरे पनि सूचनाको अभावकै कारण रोकथाममा चुनौती रहेको बताउनुभयो।
त्यस्तै, प्रमुख जिल्ला अधिकारी बिजयराज सुबेदिले समुदाय–प्रहरी कार्यक्रम अन्तर्गत मानव बेचबिखन न्यूनिकरणका लागि जनचेतनामूलक गतिविधि आवश्यक रहेको उल्लेख गर्नुभयो। नीलकण्ठ नगरपालिकाद्वारा सन्चालित सुरक्षित आप्रवासन (सामी) कार्यक्रमका जिल्ला संयोजक दिनेश दुवाडीले पछिल्लो समय वैदेशिक रोजगारका लागि, विशेषगरी भिजिट भिसामा जाने क्रममा मानिसहरू बेचबिखनमा पर्न सक्ने सम्भावना बढेको बताउनुभयो । यस्तो अवस्थामा उद्धार कार्यमा समेत समस्या हुने उहाँको भनाइ छ ।
वक्ताहरूले सचेतना र सूचनाको पहुँचको कमीका कारण धेरै मानिसहरू बेचबिखन जस्ता अमानवीय घटनामा फस्ने गरेको उल्लेख गर्नुभयो । उहाँले यस किसिमका कार्यक्रमलाई अझ प्रभावकारी बनाउनुपर्ने आवश्यकता औँल्याउनुभयो।अन्तरक्रियामा विद्यार्थी,स्थानीय तहका प्रतिनिधि, सामाजिक संस्था तथा सरोकारवालाहरूको सहभागिता रहेको थियो। सहभागीहरूले यस्ता कार्यक्रमले अपराध नियन्त्रणसँगै सुरक्षित र शान्तिपूर्ण समाज निर्माणमा सहयोग पुग्ने विश्वास व्यक्त गर्नुभएको थियो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ असार २७, शनिबार २१:४६आज आमने-सामने हुँदै हालान्ड र केन, कसको खेल कस्तो?- स्वास्थ्य/जानकारी टिप्स२०८३ असार २७, शनिबार १३:४८बुद्धनगरमा आत्मदाह प्रयास गरेका राउतकाे आईसीयूमा उपचार हुँदै
- कला, विचार/मनोरञ्जन२०८३ असार २७, शनिबार १२:३६‘माया भनेकै यस्तो होला’को पोस्टर सार्वजनिक, दिलको हल्दी डे झल्कियो
- कला, विचार/मनोरञ्जन२०८३ असार २७, शनिबार ११:३२निर शाहको ‘कमला मिस’ को पोस्टर सार्वजनिक
