अव निर्वाचन केन्द्रित अभियानमा जुटौँ : पूर्वमुख्यमन्त्री शालिकराम जम्कट्टेल
धादिङ । नेकपा (माओवादी केन्द्र) का नेता तथा पूर्वमुख्यमन्त्री शालिकराम जम्कट्टेलले जेन्जी आन्दोलनबाट बनेको सुशीला कार्की नेतृत्वको अन्तरिम सरकारलाई माओवादी केन्द्रले चुनाव सम्पन्न गराउन पूर्ण सहयोग गर्ने बताउनु भएको छ ।
माओवादी केन्द्र धादिङ क्षेत्र नं। १ को प्रदेश सभा “क” स्तरिय बैठकलाई सोमबार सम्बोधन गर्दै उहाँले फागुन २१ गते हुने निर्वाचनलाई सफल बनाउन पार्टीका सम्पूर्ण कार्यकर्तालाई जनताको घरदैलोमा पुगेर चुनावी अभियानमा सक्रिय हुन आह्वान गर्नुभयो ।
उहाँले माओवादी केन्द्र सुरुदेखि नै भ्रष्टाचार अन्त्य र प्रत्यक्ष कार्यकारी प्रणालीको पक्षमा रहेको उल्लेख गर्दै जेन्जी आन्दोलनका मागलाई सकारात्मक रहेकोले त्यसमा पार्टीले ऐक्यबद्धता जनाएको तर आन्दोलनमा घुसपैठ हुनु र भौतिक संरचना क्षति हुनु भने दुर्भाग्यपूर्ण भएको बताउनुभयो ।
जम्कट्टेलले सुशासनका पक्षमा वकालत गर्दै ठूला भ्रष्टाचारका फाईल उजागर गर्दा बिचौलियाले आफ्नो पार्टीलाई सरकारबाट हटाएको आरोप लगाउनु भयो। उहाँले नेपाली कांग्रेस–एमाले गठबन्धनले जनमुखी काम गर्न नसक्दा अहिलेको अवस्था उत्पन्न भएको दाबी गर्नुभयो ।
उहाँले माओवादी केन्द्रले सरकारमा रहँदा गरेका उपलब्धि र जनमुखी काम र पार्टीका पहलमा भएका उपलब्धीको बारेमा जनतामाझ जानकारी पुर्याउन कार्यकर्तालाई सक्रिय बन्न निर्देशन दिनुभएको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ असार ६, शनिबार १९:४८ज्योति राजको ‘नाक्छोङ’लाई विशेष चलचित्र पुरस्कार, राष्ट्रपति पौडेलद्वारा सम्मान प्रदान- स्वास्थ्य/जानकारी टिप्स२०८३ असार ६, शनिबार १४:२३ऋषि धमला « रिपोर्टर्स नेपाल
- कला, विचार/मनोरञ्जन२०८३ असार ६, शनिबार १०:०३राष्ट्रिय चलचित्र पुरस्कारमा उत्कृष्ट सम्पादक बने नहकुल खड्का
- खेलकुद२०८३ असार ६, शनिबार ०९:१४विश्वकप फुटबलः ब्राजिलद्वारा हाइटी पराजित
