धादिङ महोत्सवमा भोली (माघ २० गते) अर्जुन सापकोटा सहित चर्चित कलाकारहरू आउने

धादिङबेसी । धादिङबेशीमा जारी रहेको दशौँ धादिङ महोत्सव–२०८२ मा भोली माघ २० गते चर्चित तथा लोकप्रिय कलाकारहरूको विशेष प्रस्तुति रहने भएको छ । महोत्सवलाई थप आकर्षक बनाउने उद्देश्यका साथ राष्ट्रियस्तरका कलाकारहरूलाई स्टेजमा उतार्न लागिएको आयोजकले जनाएको छ ।

भोलीको कार्यक्रममा अर्जुन सापकोटा, सम्झना भण्डारी, भावना अर्याल, चेतन राई, रमेश पाठक र यशोदा बिडारी लगायतका चर्चित कलाकारहरूको प्रस्तुति रहने छ । उनीहरूको सांगीतिक तथा सांस्कृतिक प्रस्तुतिले दर्शकलाई भरपूर मनोरञ्जन दिने विश्वास गरिएको छ ।

आयोजकका अनुसार महोत्सवको मुख्य उद्देश्य जिल्लाको कृषि, पर्यटन, जलस्रोत तथा उद्योगको प्रवर्द्धन गर्दै आर्थिक गतिविधि बढाउनु रहेको छ । यही उद्देश्यअनुरूप सांस्कृतिक कार्यक्रमलाई विशेष प्राथमिकता दिइएको छ ।

नीलकण्ठ नगरपालिका–३ स्थित धादिङबेसी खुल्ला मञ्चमा सञ्चालन भइरहेको महोत्सवमा दैनिक हजारौँ दर्शकको उपस्थिति रहेको छ । भोली हुने कलाकारहरूको प्रस्तुतिका कारण दर्शकको संख्या अझ बढ्ने अनुमान गरिएको छ ।

महोत्सव माघ २५ गतेसम्म सञ्चालन हुनेछ । आयोजकले सबै दर्शक तथा सांगीतिक प्रेमीहरूलाई समयमै उपस्थित भई कलाकारहरूको प्रत्यक्ष प्रस्तुति अवलोकन गर्न आग्रह गरेको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।