नेपाली कांग्रेस केन्द्रीय निर्वाचन प्रचार समिति सदस्यमा सरोज अधिकारी चयन
नेपाली कांग्रेस केन्द्रीय निर्वाचन प्रचार प्रसार समितिमा सरोज अधिकारी मनोनित भएका छन् । नेपाली कांग्रेसको विशेष महाधिवेशनबाट बनेको पार्टी प्रवक्ता देवराज चालिसे नेतृत्वको समितिमा धादिङ घर भएका अधिकारी मनोनित भएका हुन् । नेपाल प्रेस यूनियनको पूर्व केन्द्रीय कोषाध्यक्ष समेत रहि सकेका अधिकारीलाई प्रवक्ता चालिसेले शनिबार मनोनयन गरेका हुन् । नेपाली कांग्रेसमा केन्द्रिय प्रचार प्रसार समिति, निर्वाचन परिचालन पछिको शक्तिशाली समिति मानिन्छ । पार्टी उपसभापति विश्वप्रकाश शर्माको संयोजकत्वमा निर्वाचन परिचालन समिति छ भने प्रवक्ता चालिसेको संयोजकत्वमा निर्वाचन प्रचार प्रसार समिति छ ।
पार्टीको १४ ओं महाधिवेशनबाट महासमिति सदस्य समेत बनेका अधिकारीसँग यस्ता निर्वाचन प्रचारमा बसेर काम गरेको लामो अनुभव छ । २०६४ साल यता भएका सबै तहका निर्वाचनमा केन्द्रिय निर्वाचन प्रचारमा बसेर काम गरेका अधिकारीसँग प्रिन्ट, रेडियो, टेलिभिजन, अनलाईन र अहिलेको मल्टीमिडियामा काम गरेको अनुभव छ । अधिकारीले पार्टी केन्द्रले दिएको जिम्मेवारीलाई विगतमा जसरी नै आफुले पुरा गर्ने बताए । ‘मलाई सभापति, उपसभापति, प्रवक्ताले जुन विश्वास गरेर जे जिम्मेवारी सुम्पनु भएको छ, म उहाँहरू प्रति आभारी छु ।’ उनले भने ‘नेपाली कांग्रेसका उम्मेदवार र रूख चिन्हमा मत बढाउने जिम्मेवारीलाई थप क्रियाशिलताका साथ निर्वाह गर्छु ।’ पत्रकारीता क्षेत्रमा नै लामो समय काम गरेका अधिकारीसँग पार्टिको महाधिवेशन तथा महासमिति बैठकमा समेत मिडिया परिचालनको अनुभव छ ।
नेपाल नगरपालिका संघको केन्द्रिय सल्लाहकार समेत रहेका अधिकारी पत्रकारिता र समाजशास्त्र विषयमा स्नाकोत्तर र कानुनमा स्नातक अध्ययन हुन् । पछिल्लो समय भने अधिकारी पत्रकारीता भन्दा बढी भुगोलको राजनितिमा केन्द्रित छन् । उनि अहिले धादिङको नीलकण्ठ नगरपालिका केन्द्रित राजनितिमा छन् । नेपाली कांग्रेसको १३ महाधिवेशमा समेत महाधिवेशन प्रतिनिधि रहेका अधिकारी २०५८ सालमा नीलकण्ठ उच्च माविको नेपाल विध्यार्थी संघको अध्यक्ष हुँदै राजनीतिमा प्रवेश गरेका हुन् ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ फाल्गुन ४, सोमबार १५:२३बङ्गलादेशका नवनिर्वाचित सरकारको को शपथ ग्रहण समारोहमा सहभागी हुन परराष्ट्रमन्त्री ढाका जाँदै- कला, विचार/मनोरञ्जन२०८२ फाल्गुन ४, सोमबार १४:४०शंकरको संगीतमा सुगम र रिताको ‘बेहाल’
- खेलकुद२०८२ फाल्गुन ४, सोमबार ०९:२४आज तीन खेल हुँदै « रिपोर्टर्स नेपाल
- खेलकुद२०८२ फाल्गुन ४, सोमबार ०८:०९पाकिस्तानलाई हराउँदै भारत टी-२० विश्वकपको सुपर आठमा
