हिजो दिल्लीको पहिलो हार–गुजरातको पहिलो जित, आज कोलकाता र लखनउ भिड्दै

काठमाडौं, चैत २६ । इन्डियन प्रिमियर लिग (आईपीएल)मा गुजरात टाईटान्सले दिल्ली क्यापिटल्सलाई हराएको छ । गएराति भएको खेलमा गुजरातले दिएको २११ रनको लक्ष्य पछ्याएको दिल्ली निर्धारित २० ओभरमा सबै विकेट गुमाएर २०९ रनमा समेटियो । जितसँगै दुई अंक जोडेको गुजरातले तीन खेलमा एक जित र दुई हार व्यहोरेको छ । हिजोको खेलमा गुजरातका राशिद खानले तीन विकेट लिए भने प्रसिद्ध कृष्णाले दुई विकेट लिँदा मोहम्मद सिराजले एक विकेट लिए ।

त्यसअघि टस हारेर पहिले ब्याटिङ गरेको गुजरातले २० ओभरमा चार विकेट गुमाएर २१० रन बनाएको थियो । गुजरातका कप्तान शुभमन गिलले ७० रनको अर्धशतकीय इनिङ खेले । दिल्लीका मुकेश कुमारले दुई विकेट लिए भने लुगिं एनगिडी र कुलदीप यादवले समान एक विकेट लिए ।

प्रतियोगितामा पहिलो हार व्यहोरेको दिल्लीले तीन खेल खेल्दा दुई जित र एक हारसिहित चार अंक जोडेको छ ।
आईपीएलमा आज बेलुका पौने ८ बजे ईडन गार्डनमा कोलकाता नाइट राइडर्स र लखनउ सुपर जाइन्ट्स भिड्दैछन्।