नेत्रावतीमा साइवर सुरक्षा तथा मनोपरामर्श तालिम सम्पन्न

धादिङबेशी, २९बैशाख । । धादिङको नेत्रावती डवजोङ गाउँपालिका सेमजोङमा साइबर सुरक्षा तथा मनोपरामर्श सम्बन्धी तालिम सम्पन्न भएको छ ।
शुक्रबार गाउँपालिकाका अध्यक्ष मेघनाथ रिजालको प्रमुख आतिथ्यतामा सुरु भएको तालिमको शनिबार एक औपचरिक कार्यक्रमको बिच सम्पन्न भएको हो ।
शनिबार भएको समापन समारोहमा नेत्रावती डवजोङ गाउँपालिकाका प्रवक्ता तथा वडा न १ का वडा अध्यक्ष ठाकुर गुरुङ, वडा न ३ का वडा अध्यक्ष शुरेश वाईवा, पालिकाका अधिकृत ज्ञानेन्द्र दाहाल लगाएतको आतिथ्यता रहेको थियो ।
तालिममा जिल्ला प्रहरी कार्यालय धादिङका प्रहरी निरिक्षक प्रकाश देवे र धादिङ मनोसामाजिक संस्था नेपालका कार्यकारी निर्देशक रामकुमार थापा र कार्यक्रम संयोजक बद्री अधिकारीले सहजीकरण गर्नु भएको थियो ।
कार्यक्रममा बोल्दै बक्ताहरुले बढ्दो साइबर अपराधबारे सचेत रहन सवैलाई आग्रह गर्नुभएको छ ।
प्रविधिको विकाससँगै साइबर अपराधका घटनाहरू बढ्दै गएको भन्दै मोबाइल तथा सामाजिक सञ्जालको प्रयोग गर्दा विशेष सावधानी अपनाउनुपर्ने उहाँहरुको जोड थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।