मदन–आश्रितको विचारले जनताको पक्षमा उभिन प्रेरित गरिरहेको छ : ओली
काठमाडौं । नेकपा एमालेका अध्यक्ष केपी शर्मा ओलीले मदन भण्डारी र जीवराज आश्रितको विचारले विचलित नभई जनताको पक्षमा उभिन तथा परिवर्तनको यात्रालाई निरन्तरता दिन प्रेरित गरिरहेको बताएका छन् ।
मदन–आश्रितको ३३औँ स्मृति दिवसका अवसरमा सामाजिक सञ्जाल फेसबुकमार्फत श्रद्धाञ्जली व्यक्त गर्दै ओलीले ३३ वर्षअघि दासढुंगामा भएको रहस्यमय जिप दुर्घटनामा मदन भण्डारी र जीवराज आश्रितलाई गुमाउनुपरेको स्मरण गरेका हुन् । उनले समय बित्दै जाँदा उनीहरूको अभाव झन् गहिरिँदै गएको उल्लेख गरेका छन् ।
ओलीले मदन भण्डारीलाई आफ्नो नेता, साथी तथा सहयोद्धाका रूपमा स्मरण गर्दै उनलाई ‘जनताको बहुदलीय जनवाद’ का अगुवा तथा नेपाली कम्युनिष्ट आन्दोलनलाई नयाँ वैचारिक दिशामा अघि बढाउने नेता भएको बताएका छन् । यस्तै, जीवराज आश्रितलाई कुशल संगठकका रूपमा सम्झिएका छन् ।
उनले ‘समृद्ध नेपाल, सुखी नेपाली’ को राष्ट्रिय आकांक्षा पूरा गर्ने अभियान जनताको बहुदलीय जनवादकै मार्गदर्शनमा अघि बढाइएको उल्लेख गरेका छन् । पछिल्लो दशकमा उक्त अभियानले मानवीय विकास र भौतिक पूर्वाधार निर्माणमा सकारात्मक परिवर्तन ल्याउन थालेको दाबी पनि उनले गरेका छन् ।
ओलीले जनताको बहुदलीय जनवाद कुनै क्षणिक लोकप्रियताको औजार नभई यथार्थमा आधारित वैचारिक मार्गदर्शन भएको उल्लेख गर्दै त्यसको विरासतले अझै पनि जनताको पक्षमा उभिन प्रेरित गरिरहेको बताएका छन् ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=21638, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ असार २९, सोमबार २१:५५कर्म–कर्ण आदिवासी जनजाति पत्रकारिता पुरस्कारबाट पत्रकार हितानमगर र गुरुङ सम्मानित- समाचार२०८३ असार २९, सोमबार २१:४४विश्वभरका नेपालीलाई भाषा र साहित्यमार्फत् जोड्ने सेतु भानुभक्तः प्रदेश प्रमुख भट्ट
- समाचार२०८३ असार २९, सोमबार १९:५०काउन्सिल अध्यक्ष श्रेष्ठद्वारा पदबहाली, एआईसम्बन्धी मार्गनिर्देशिका बनाएर अघि बढ्ने
- समाचार२०८३ असार २८, आईतवार १६:३४सम्मानित एलेक्सा लाइफ साइन्सेसको गुनासो : १९ वर्षदेखि मूल्य समायोजन नहुँदा स्लाइन उद्योग संकटमा
