बगैँचा योग साधाना केन्द्रको अध्यक्ष (प्रभारी)मा अम्बिका सुवेदी निर्वाचित

धादिङ,१६ साउन
नीलकण्ठ नगरपालिका वडा नम्बर ८ स्थित बगैँचा योग साधना केन्द्रको अध्यक्ष(प्रभारी)मा अम्बिका सुवेदी निर्वाचित हुनुभएको छ ।बँगैचा योग साधना केन्द्रको छैटौँ बार्षिक उत्सव तथा दोस्रो अधिवेशनमा अम्बिका सुवेदीको अध्यक्षतामा नयाँ कार्य समिति चयन गरेको हो ।समितिका सह प्रभारीमा शान्ति श्रेष्ठ,पुरुष सह प्रभारीमा शरण कुमार श्रेष्ठ,मन्त्रीमा याम बहादुर श्रेष्ठ, कोषाध्यक्षमा विन्दा श्रेष्ठ र सह मन्त्रीमा कल्पना थापा निर्वाचिन हुनुभएको छ ।

यसैगरी कार्य समिति सदस्यहरुमा रुकमणी छत्कुली,सिता दुवाडी,गिता अधिकारी,सरिता श्रेष्ठ,हिरा श्रेष्ठ,रुद्र कुमारी श्रेष्ठ र विष्णु रिमाल रहनुभएको छ । सल्लाहकारहरुमा ज्ञानु कडेंल,रामकुमार थापा,चिजमायाँ श्रेष्ठ,भिम कुमार कुवर,सिता सुवेदी,कमला श्रेष्ठ,कुन्ती आर्चा,प्रेम पाण्डे र पार्वती लोहनी चयन हुनुभएको छ ।पतञ्जली योग समिति धादिङका प्रभारी(अध्यक्ष) बद्री प्रसाद सुवेदीको अध्यक्षतामा सम्पन्न भएको कार्यक्रममा प्रमुख जिल्ला अधिकारी लक्ष्मी पाण्डेय(गौतम) रहनुभएको थियो ।

कार्यक्रममा बागमती प्रदेशका पतञ्जली योग सह प्रभारी कमल घिमीरे,धादिङ जिल्लाका निवर्तमान जिल्ला प्रभारी राममाया बुढाथोकी,नेपाल पत्रकार महासंघ धादिङ शाखाका सभापति सिताराम अधिकारी,कान्तिपुर टेलिभिजनका उप सम्पादक पोषनाथ अधिकारी,नीलकण्ठ एफएमका आकाश लम्साल, धादिङ जिल्लाका समाजसेवी सुरेश आर्चायको विशेष आतिथ्यता रहेको थियो ।कार्यक्रममा जिल्ला भित्रका विभिन्न योग साधना केन्द्रका प्रभारी,सह प्रभारी लगायत साधक साधिकाहरुको उल्लेख्य सहभागिता रहेको थियो । कार्यक्रमलाई सम्बोधन गर्नुहुदै प्रमुख जिल्ला अधिकारी लक्ष्मी पाण्डेय(गौतम)ले वर्तमान अवस्थामा योग साधना तथा ध्यान महत्वपुर्ण रहेको भन्दै उहाँले गाउँ स्तरमा विस्तार गर्नुपर्ने बताउनुभयो ।

समाजमा व्यप्त नकारात्मक विचार र नसर्ने रोगबाट बच्न योग,साधना तथा ध्यान महत्वपुर्ण भएको भन्दै तीनै तहका सरकाहरुले यसलाई प्राथमिकतामा राखेर काम गरीरहेको बताउनुभयो ।कार्यक्रमको अवसरमा बँगैचा योग साधना केन्द्रमा साधना गर्नुहुने साधक,साधिकाहरुका ८४ बर्ष कटेमा बा आमा र एसईइमा उत्तिर्ण हुने विद्यार्थीहरुलाई सम्मान गरीएको थियो ।बगैँचा योग साधना केन्द्रमा बर्षभरी धेरै आउने र युगल जोडीहरुलाई सम्मान गरीएको थियो ।

यो पनि पढ्नुहोस् : धादिङका पूर्वाधार आयोजनाको प्रगति ८५ प्रतिशतभन्दा माथि पुर्‍याउने कार्यालयहरूको प्रतिबद्धता

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।