लागुपदार्थ दुर्व्यसनी र बालमैत्री स्थानीय शासनबारे मनरुपी माविका विद्यार्थीलाई अभिमुखिकरण

धादिङ,८ भदौ
नीलकण्ठ नगरपालिका वडा नम्बर १३ स्थित मनरुपी माध्यमिक विद्यालयमा लागुपदार्थ दुर्व्यसनी तथा बालमैत्री स्थानीय शासनसम्बन्धी सचेतना तथा अभिमुखीकरण कार्यक्रम सम्पन्न भएको छ।सांकोष सामुदायिक सिकाइ केन्द्रको आयोजनामा सम्पन्न कार्यक्रममा कक्षा ८, ९ र १० मा अध्ययनरत विद्यार्थीलाई लक्षित गरी लागुपदार्थ दुव्र्यसनका असर, त्यसबाट जोगिने उपाय तथा बालमैत्री स्थानीय शासनका विषयमा सहजीकरण गरिएको थियो। सांकोष सामुदायिक सिकाइ केन्द्र व्यवस्थापन समितिका अध्यक्ष रामशरण थापाको अध्यक्षतामा सम्पन्न कार्यक्रममा नीलकण्ठ नगरपालिका–१३ का वडाध्यक्ष सोमबहादुर गुरुङ, कार्यपालिका सदस्य राम्री नेपाली, अधिवक्ता दिनेश दुवाडी, जिल्ला प्रहरी कार्यालय धादिङका प्रहरी निरीक्षक विक्रम रिजाल तथा नीलकण्ठ नगरपालिका बालमैत्री शासन सहजकर्ता सुवास खतिवडा लगायतको आतिथ्यता रहेको थियो।

कार्यक्रममा लागुपदार्थको प्रयोगले व्यक्ति, परिवार र समाजमा पार्ने नकारात्मक प्रभावबारे जानकारी गराउँदै विद्यार्थीलाई दुव्र्यसनबाट टाढा रहन सचेत गराइएको थियो। साथै बालबालिकाको अधिकार, संरक्षण, सहभागिता तथा स्थानीय तहमा बालमैत्री शासनको अवधारणा र यसको महत्वबारे समेत जानकारी दिइएको थियो।कार्यक्रममा सांकोष सामुदायिक सिकाइ केन्द्रका सदस्यहरू, मनरुपी माध्यमिक विद्यालयका प्रधानाध्यापक, सहायक प्रधानाध्यापक, शिक्षक–शिक्षिका तथा नीलकण्ठ–१३ वडा बाल सञ्जालका अध्यक्ष आभास गुरुङ लगायत पदाधिकारीहरूको उपस्थिति रहेको थियो।आयोजकका अनुसार विद्यार्थीलाई लागुपदार्थ दुव्र्यसनबाट जोगाउनुका साथै बालबालिकाको अधिकार, सुरक्षा र सहभागिताप्रति सचेत बनाउने उद्देश्यले कार्यक्रम सञ्चालन गरिएको हो।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।