अन्तर्राष्ट्रिय धादिङ समाजको विधान संशोधन समितिको संयोजकमा अधिवक्ता दिनेश दुवाडी

धादिङ, ९ असोज

अन्तर्राष्ट्रिय धादिङ समाजले संस्थाको विधान संशोधनका लागि अधिवक्ता दिनेश दुवाडीको संयोजकत्वमा तीन सदस्यीय समिति गठन गरेको छ।समाजको चौथो महाधिवेशन आगामी असोज ३१ गते धादिङबेँसीमा हुँदैछ। महाधिवेशनको अवसरमा संस्थाको विधानमा समयानुकूल आवश्यक संशोधन, थपघट तथा परिमार्जन गर्नुपर्ने भएकाले दुवाडीको संयोजकत्वमा विधान संशोधन समिति गठन गरिएको हो।

प्रकाश धमलाःउप महासचिव,गैरआवासीय नेपाली संघ

समितिको सदस्यमा गैरआवासीय नेपाली संघ (एनआरएनए) का केन्द्रीय उपमहासचिव प्रकाश धमला रहनुभएको छ। समितिमा थप दुई सदस्य पछि मनोनयन गरिने अन्तर्राष्ट्रिय धादिङ समाजका अध्यक्ष राजन खकुरालले जानकारी दिनुभयो।विदेशमा रहेका धादिङवासीलाई एकताबद्ध गर्दै जिल्लाको सामाजिक विकास र समृद्धिका लागि विभिन्न गतिविधि सञ्चालन गर्दै आएको समाजले चौथो महाधिवेशनमार्फत संस्थागत संरचना र कार्यदिशालाई थप व्यवस्थित बनाउने तयारी गरेको छ।

महाधिवेशनको तयारी तीव्र रूपमा भइरहेको समाजका महासचिव बाबुकाजी भण्डारीले जानकारी दिनुभयो। उहाँका अनुसार महाधिवेशनका लागि आवश्यक तयारी तथा व्यवस्थापनका कामहरू अघि बढिरहेका छन्।अन्तर्राष्ट्रिय धादिङ समाजले विश्वका विभिन्न देशमा रहेका धादिङवासीलाई संगठित गर्दै आपसी एकता, सहयोग र समन्वयमार्फत मातृभूमि धादिङमा सामाजिक योगदान पुर्‍याउँदै आएको छ। चौथो महाधिवेशनले संस्थाको आगामी कार्यदिशा तय गर्नुका साथै विधानलाई समयानुकूल परिमार्जन गर्ने अपेक्षा गरिएको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।