काठमाडौं । निश्चल अधिकारीको स्वर रहेको नयाँ गीत ‘बाबा’ भिडियो सार्वजनिक गरिएको छ। भिडियोमा विदेश गएको बाबा बाकसमा फर्किएपछिको पीडालाई भावनात्मक रूपमा प्रस्तुत गरेको छ।
भिडियोको निर्माता हेमा शर्मा हुन्। गीतको कथा तथा निर्देशन शशी विक्रम थापाले गरेका छन्। सहायक निर्देशन दिपेश दाहालको रहेको छ।
कुमार शिवाकोटीको शब्द रहेको गीतमा लेखु सहयात्रीले संगीत भरेका छन्। गीतको एरेन्ज, मिक्स तथा मास्टरिङ विशम आचार्यले गरेका हुन्।
गीतको भिडियोमा कलाकारहरू सुशील पोखरेल, कमलमणि नेपाल, भोला पौडेल, तुलसी खड्का र आरोश भुसालको अभिनय रहेको छ। भिडियोको छायांकन नवराज उप्रेती र सुनिल भण्डारीले गरेका छन्। मनोज कार्कीले सम्पादन, कलर तथा भीएफएक्सको जिम्मेवारी सम्हालेका छन्।
