सेलिब्रेटी नेपाल। एप्पल इन्टरटेन्मेन्टको व्यारनमा निर्माण भइरहेको फिल्म ‘भिडियोटेप’को छायांकन ३१ दिनमा सकिएको छ । हरर जनराको यो फिल्मको छायांकन भदौको पहिलो साताबाट उपल्लो मुस्ताङमा गरिएको थियो । फिल्मलाई ३ रात काठमाडौंमा पनि खिचिएको छ । यो फिल्ममा नायिका उपासना सिंह ठकुरी र नायक कुन्दनमान शाक्यको मुख्य भूमिका छ । फिल्ममा अस्तित्व भट्टचन, कृशल श्रेष्ठ, रिसु राउत, जिवन अधिकारी, शेखर चापागाँई, सिद्धार्थ सिंह लगायतका कलाकारहरुको पनि मुख्य भूमिका छ ।
फिल्ममा वशिष्ट प्रधानको डीओपी छ । फिल्मका प्रोडक्सन म्यानेजर ईश्वर घिमिरे हुन् । यो फिल्मलाई ओविद उद्दिनले निर्देशन गरेका हुन् । ओविदले भने–‘हामीले निकै मिहिनेतका साथ काम गर्यौं । फिल्मको सम्पूर्ण टिमले निकै मिहिनेत गरेका कारण समयमै छायांकन सकिएको हो ।’ आफूलाई पहिलेबाट नै हरर फिल्म मनपर्ने भएकाले यसतर्फ आकर्षित भएको ओविदको भनाई छ । फिल्ममा महेश बरालको मुख्य सहायक निर्देशन छ ।
