पाँचौँ वार्षिकोत्सवमा लाङ्घाली डेन्टलको उपचार सेवामा ५० प्रतिशत छुट

धादिङबेशी,२२ असोज । नीलकण्ठ नगरपालिका–३, धादिङबेँसी मूलचोकमा रहेको लाङ्घाली डेन्टल क्लिनिकले सञ्चालनको पाँच वर्ष पूरा गरी छैटौँ वर्षमा प्रवेश गरेको अवसरमा विभिन्न दन्त उपचार सेवामा विशेष छुट गरेको छ ।

क्लिनिकले पाँचौँ वार्षिकोत्सवका अवसरमा असोज महिनाभर लागू हुने गरी निःशुल्क दन्त परीक्षण, विशेषज्ञ परामर्श तथा दन्त एक्स–रे सेवा उपलब्ध गराउने जनाएको छ ।
क्लिनिककी प्रबन्ध निर्देशक तथा डेन्टल सर्जन डा. रचना रेशमी गिदेल मगरका अनुसार दाँत सफा गर्ने, दाँत भर्ने, जरादेखिको उपचार (आरसिटी), सामान्य तथा जटिल दाँत निकाल्नेलगायतका उपचार सेवामा ५० प्रतिशतसम्म छुट उपलब्ध गराइनेछ ।

उहाँका अनुसार क्लिनिकले जनस्वास्थ्य कार्यालय धादिङबाट सञ्चालन अनुमति लिएर पाँच वर्षदेखि सेवा दिँदै आएको छ । स्वास्थ्यसम्बन्धी मापदण्डअनुसार सरसफाइ, संक्रमण नियन्त्रण र सेवाको गुणस्तरमा विशेष ध्यान दिँदै आएको गिदेल मगरले बताउनुभयो ।

क्लिनिकले व्यावसायिक सेवासँगै सामाजिक उत्तरदायित्वअन्तर्गत विपन्न तथा आर्थिक अवस्था कमजोर भएका नागरिकलाई समयसमयमा निःशुल्क उपचार सेवा उपलब्ध गराउँदै आएको जनाएको छ । वार्षिकोत्सवका अवसरमा उपचारका लागि आउने सेवाग्राहीलाई विशेष उपहारसमेत प्रदान गरिने डा मगरले जानकारी दिनुभयो ।

क्लिनिकमा डेन्टल सर्जन तथा लाइसेन्स प्राप्त डेन्टल हाइजिनिस्टको टोलीबाट सेवा प्रदान हुँदै आएको छ । साधारण दन्त उपचारसँगै कस्मेटिक डेन्टिस्ट्री, डेन्टल इम्प्लान्ट तथा अर्थोडोन्टिक उपचारसमेत उपलब्ध रहेको क्लिनिकले जनाएको छ ।

वार्षिकोत्सवको छुट कार्यक्रम, परामर्श तथा उपचार बुकिङका लागि क्लिनिकमा सम्पर्क गर्न सकिने जनाइएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

यो पनि पढ्नुहोस् : अन्तर्राष्ट्रिय धादिङ समाजको अध्यक्षमा खतिवडाको उम्मेदवारी घोषणा