नेपालले दियो बंगलादेशलाई १७० रनको लक्ष्य

काठमाडौं,१७ माघ । आईसीसी यू १९ विश्वकप क्रिकेटको सुपर सिक्सअन्तर्गतको खेलमा नेपालले बंगलादेशलाई १७० रनको सामान्य लक्ष्य दिएको छ ।

दक्षिण अफ्रिकाको माङगाउन ओभलमा टस जितेर पहिले ब्याटिङ गरेको नेपाल ४९।५ ओभरमा १६९ रनमा अलआउट भयो । नेपालका लागि विशाल विक्रम केसीले सर्वाधिक ४८ तथा कप्तान देव खनालले ३५ रन जोड्नुबाहेक अन्य कुनैपनि खेलाडीले उल्लेख्य रन जोड्न सकेनन् ।

४२ ओभरको अन्तिम बलमा आउट हुनुअघि केसीले १०० बलको सामना गर्दै ६ चौका हिर्काएका थिए । त्यस्तै कप्तान खनालले ६० बलमा ३५ रन जोड्दा ओपनर अर्जुन कुमाल १४ रनमा आउट भए । अर्का ओपनर विपीन रावल २ रनमा आउट हुँदा गुल्सन झा, दीपक बोहरा, दिपेश कँडेल र आकाश त्रिपाठी समान ३ रनमा आउट हुँदा आकाश चन्द शून्य रनमै एलबीडब्लूको धरापमा परे । दुर्गेश गुप्ताले ९ रन थप्दा सुवाश भण्डारी १८ रनमा आउट भए ।

बलिङतर्फ बंगलादेशका रोहान दौलाहले तीन विकेट लिए । नेपाल औपचारिक रुपमा सेमिफाइनलको समिकरणबाट बाहिरिसकेको छ भने बंगलाचदेश र भारत अर्को चरणमा पुगिसकेका छन् । नेपालले समूह चरणको खेलमा न्युजिल्यान्डसँग ६४ रनको र पाकिस्तानसँग पाँच विकेटको हार बेहोरेको थियो । तर, अन्तिम खेलमा अफगानिस्तानविरुद्ध एक विकेटको जित निकालेपछि नेपालले सुपर सिक्समा स्थान बनाएको हो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।