पोखरा बैठकका निर्णय कार्यान्वयन गर्न साझा धारणा बनाउँदै मुख्यमन्त्रीहरु
मकवानपुर- संविधानमा व्यवस्था भएको तहगत अधिकारका बारेमा छलफल गर्न हिजोदेखि हेटौँडामा सुरु भएको तहगत अधिकारको कार्यविस्तृतिकरण सम्बन्धी संगोष्ठी साझा धारणा बनाएर आज सम्पन्न हुँदै छ ।
गोष्ठीमा सहभागी हुन सातै प्रदेशका मुख्यमन्त्रीहरू हेटौँडामा हुनुहुन्छ । आजको छलफलमा सातै प्रदेशका मुख्यमन्त्रीहरुको सहभागिता रहने मुख्यमन्त्री तथा मन्त्रिपरिषद्को कार्यालय बागमती प्रदेशले जनाएको छ ।
गत असार १५ र १६ गते पोखरामा बसेको मुख्यमन्त्रीहरुको बैठकका निर्णय कार्यान्वयनका सम्बन्धमा साझा धारणा बनाएर संघीय सरकारलाई दबाब दिन कार्ययोजना बनाउने कोशी प्रदेशका मुख्यमन्त्री केदार कार्कीले जानकारी दिनुभयो ।
पोखरा बैठकले संघीयता कार्यान्वयनका विषयहरू ६ महिनाभित्र कार्यान्वयन गर्नुपर्ने निर्णय गरेको थियो । त्यो समयसिमा पौष १५ मा सकिदैछ । हिजो तीनै तहको सरकारको संरचनागत जिम्मेवारीका विषयमा क्षेत्रगत रूपमा विज्ञहरूले प्रस्तुतीकरण गरेका थिए ।
छलफलमा संविधानमा व्यवस्था भएको प्रदेश र स्थानीय सरकारको अधिकारका बाँडफाँडका बारेमा साझा धारणा बनाएर जाने सहमति बनेको छ । बागमती प्रदेशको मुख्यमन्त्री तथा मन्त्रिपरिषद्को कार्यालय,नेपाल नगरपालिका संघ,गाउँपालिका राष्ट्रिय महासंघको संयुक्त आयोजनामा कार्यक्रम भैरहेको हो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८१ बैशाख ७, शुक्रबारलण्डन म्याराथनमा दौडिँदै नेपाली युवा कुशल दीक्षित
समाचार२०८१ बैशाख ७, शुक्रबारचैतसम्म साढे पाँच लाखले लिए श्रम स्वीकृति
समाचार२०८१ बैशाख ७, शुक्रबारमौसम पूर्वानुमान चुस्त बनाउँदै विभाग, प्रणाली मर्मतका लागि विदेशी विज्ञको खोजी
कला, विचार/मनोरञ्जन२०८१ बैशाख ७, शुक्रबारविपिनलाई लिएर ‘पहाड’ निर्देशन गर्दै तुलसी
