विश्व वातावरण दिवसमा सरसफाइ तथा वृक्षारोपण

धादिङ,२२ जेठ ।
विश्व वातावरण दिवस २०८२ को अवसरमा धादिङमा सरसफाइ तथा वृक्षारोपण गरिएको छ। वातावरण संरक्षणप्रति जनचेतना अभिवृद्धि गर्ने उद्देश्यले गरिएको कार्यक्रममा विभिन्न संघसंस्था, विद्यालय, सुरक्षा निकाय तथा स्थानीय नागरिकहरूको सक्रिय सहभागिता रहेको थियो।

कार्यक्रम अन्तर्गत सिरानबजारदेखि पुछारबजारसम्म सरसफाइ कार्य सम्पन्न गरिएको हो। सरसफाइ कार्यक्रममा डिभिजन वन कार्यालय धादिङ, भैरवी सहकारी संस्था, नेपाल रेडक्रस सोसाइटी, नीलकण्ठ बहुमुखी क्याम्पस, बैङ्कर्स संघ, टोल विकास संस्था, नीलकण्ठ नगरपालिका, सशस्त्र प्रहरी बल लगायतका संघसंस्था तथा स्थानीय नागरिकहरूको उल्लेखनीय उपस्थिति थियो।

सरसफाइ कार्यसँगै नीलकण्ठ नगरपालिका वडा नं. ६ स्थित सुनौबजारको भैरवी मन्दिर परिसरमा वृक्षारोपण कार्यक्रम पनि गरिएको छ । सो अवसरमा ओखर, रुद्राक्ष, तेजपात, गोलमोहर, म्याग्नोस्टिक लगायत एक सय भन्दा बढी बिरुवा रोपिएको डिभिजन वन कार्यलय धादिङका प्रमुख विष्णु प्रसाद आचार्यले बताउनुभयो ।

यसै क्रममा भैरवी माध्यमिक विद्यालयको परिसरमा पनि वृहत वृक्षारोपण कार्यक्रम सञ्चालन गरिएको थियो। विद्यालय प्राङ्गणमा १५० भन्दा बढी जातका फलफूलका विरुवाहरू रोपिएको छ।

कार्यक्रममा डिभिजन वन कार्यालय धादिङका प्रमुख विष्णु प्रसाद आचार्य, जलाधार कार्यालयका प्रमुख प्रदिप नारायण श्रेष्ठ, तथा नीलकण्ठ नगरपालिका वडा नं. ६ का वडा अध्यक्ष भुपेन्द्र श्रेष्ठ विद्यार्थीहरुको उपस्थिति रहेको थियो।

उहाँहरुले वातावरण संरक्षणको महत्त्वमाथि जोड दिँदै आगामी दिनहरूमा अझ बढी वृक्षारोपण तथा स्वच्छता अभियान सञ्चालन गर्न प्रेरित गर्नुभयो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।

यो पनि पढ्नुहोस् : फोनिज गण्डकीको आयोजनामा समावेशी पत्रकारिता तथा क्षमता अभिवृद्धि तालिम