कृषक र कर्मचारीका लागि विशेष स्वास्थ्य छुट « रिपोर्टर्स नेपाल

काठमाडौं । गुणस्तरीय स्वास्थ्य सेवा प्रदान गर्ने काठमाडौंको बसुन्धरा चौकीस्थित एमएन अस्पतालले मुक्तिनाथ कृषि कम्पनी लिमिटेडसँग नयाँ समझदारीपत्र (MoU) मा हस्ताक्षर गरेको छ।

यस सहकार्यअन्तर्गत मुक्तिनाथ कृषि कम्पनीका सेवाग्राही, शेयरधनी तथा कर्मचारीहरूले एमएन अस्पतालबाट १० देखि २० प्रतिशतसम्मको छुट र विशेष सुविधा पाउनेछन्।

सम्झौता कार्यक्रमका अवसरमा एमएन अस्पतालका अध्यक्ष कपिल ज्ञवालीले भने,“हामी केवल हाम्रा सेवाग्राहीहरूलाई मात्र नभई कृषक र समुदायका सबै सदस्यलाई स्वस्थ र सुखी बनाउन प्रतिबद्ध छौँ। मुक्तिनाथ कृषि कम्पनीसँगको सहकार्यले हाम्रो लक्ष्यलाई अझ सशक्त बनाउनेछ। हाम्रो प्राथमिकता गुणस्तरीय स्वास्थ्य सेवा उपलब्ध गराउनु नै हो।”

मुक्तिनाथ कृषि कम्पनीले पनि यस साझेदारीलाई महत्वपूर्ण ठहर गर्दै, आफ्ना सेवाग्राही, शेयरधनी र कर्मचारीहरूको स्वास्थ्य तथा समृद्धिका लागि एमएन अस्पतालसँग मिलेर काम गर्न पाउँदा खुशी व्यक्त गरेको छ।

यो साझेदारीमार्फत एमएन अस्पतालले दिगो कृषि विकाससँगै स्वास्थ्य सेवामा पनि नयाँ मोड ल्याउने अवसर पाएको छ। कृषक र कर्मचारीहरूलाई सहज, पहुँचयोग्य र किफायती स्वास्थ्य सेवा प्रदान गरेर उनीहरूको जीवनस्तर उकास्ने योजना रहेको छ।

यस प्रकारको सहकार्यले समुदायलाई गुणस्तरीय स्वास्थ्य सेवा सजिलो, सुलभ र प्रभावकारी रूपमा उपलब्ध गराउने लक्ष्य राखेको छ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।