गोगनपानी चुलिमा रहेको ऐतिहासिक तथा धार्मिक स्थल बाघबछला मन्दिरमा आज मेला लाग्दै
धादिङ,१८ कार्तिक
धादिङको गल्छि गाउँपालिका वडा नम्बर ८ गोगनपानी चुलीमा रहेको बाघबछला महादेवको मन्दिरमा आज भव्य मेला लाग्दै छ। धार्मिक एवं पर्यटकीय क्षेत्र चुलीमा कार्तिक शुक्ल चतुर्दशीको दिन मेला लाग्ने गर्दछ ।मन्दिरलाई “बाघबछला महादेव” को नामले चिनिन्छ, जुन धार्मिक श्रद्धाको केन्द्र भएको स्थान हो। स्थानीयहरुको अनुसार पूजा गर्दा भक्तजनले मनोकामना पुरा हुने विश्वास रहेको छ ।
मन्दिरमा तल्लो थानी र माख्लो थानी भनेर दुई वटै मन्दिरमा छुट्टा छुट्टै पुजाको सामाग्रीले पुजा गर्नुपर्ने धार्मिक मान्यता रहेको छ । पहिला माख्लो थानीमा पुजा गरेपछि मात्र तल्लो थानीमा पुजाआजा गर्नुपर्ने धार्मिक मान्यता रहेको छ।यसैगरी तल्लो थानीमा गाईको दाम्लो (धूलो) साट्ने चलन रहेको छ ।यसो गर्दा गाईलाई रोग नलाग्ने र राम्रो हुने विश्वास रहेको छ। पुजा विधि विग्रीए दिउँसै बाघ गाउँमा आउने जनविश्वास रहेको छ ।
केहि बर्षअघिमात्र गाउँमा दिउसै बाघ आएपछि क्षमा पुजा समेत गरीएको थियो ।मन्दिर रहेको स्थान पूर्वतः गोगनपानी गाविस वडा नं. २ (हाल सम्भवतः गल्छी गाउँपालिका वडा नं. ८) अन्तर्गत पर्छ। आज रातभर जागाराम बसी बत्ति बालेर पुजाआजा गर्दा मनोकांक्षा पुरा हुने जनविश्वास रहेको छ ।बाघबछला मन्दिर व्यवस्थापन समिति बनाएर अहिले पुर्ननिर्माणको काम र पर्यटकीय क्षेत्र बनाउने काम स्थानीयहरुले गरीरहेका छन्।
वडा कार्यालयको समन्वयमा गल्छि गाउँपालिका र प्रदेश सरकारको सहयोगमा एउटा मन्दिर पुर्ननिर्माण गरीएको छ ।मन्दिर रहेको स्थाबाट मनोरम प्राकृतिक हिम श्रृङ्खलाको अवलोकन गर्न सकिने छ । मन्दिर स्थलको पुर्न निर्माण गर्नको लागि स्थानीले तीनै तहका सरकारलाई आग्रह गरेका छन् । मन्दिर वरपरको पहिरो रोकथाम र पुर्ननिर्माणको कामलाई महत्व ठानेर काम गर्न स्थानीयहरुले सरकारसँग माग गरेका छन् ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
स्वास्थ्य/जानकारी टिप्स२०८३ असार २६, शुक्रबार १५:३५उपकरण हस्तान्तरण गर्न अस्पतालको आह्वान- कला, विचार/मनोरञ्जन२०८३ असार २६, शुक्रबार ०९:२१सबैको नजरमा ‘गौँथली’, युट्युब ट्रेन्डिङमा पहिलो
- कला, विचार/मनोरञ्जन२०८३ असार २६, शुक्रबार ०९:१३महेश, अञ्जना र सुशांकलाई लिएर राजिव गुरुङले घोषणा गरे ‘आशा’
खेलकुद२०८३ असार २६, शुक्रबार ०६:५१फ्रान्स फिफा विश्वकप २०२६ को सेमिफाइनलमा प्रवेश
